Riaktivizohet sërish zjarri në landfillin e Bushatit.
Gazetari i Top Channel, Klodian Zhivani raporton se edhe pse në zonë pati reshje shiu, sërish flakët nuk u shuan dot në venddepozitimin e mbetjeve.
“U duk sikur zjarri ishte shuar, por jo, pasi mbrëmjen e shkuar është riaktivizuar. Vijon puna nga forcat zjarrfikëse dhe mjetet e tonazhit të rëndë për të izoluar flakët. Zjarrfikësja duke hedhur ujë, ndërsa mjetet e tonazhit të rëndë duke hedhur dhé”, raportoi gazetari.
Zjarri në landfill ka nisur që prej datës 19 prill.
