Ushtria izraelite, Forcat Mbrojtëse të Izraelit, njoftoi se ka goditur një automjet në jug të Libani, duke pretenduar se ai përbënte një kërcënim të menjëhershëm për trupat e saj.
Sipas deklaratës, u identifikuan dy automjete që po largoheshin nga një strukturë ushtarake e përdorur nga Hezbollahu.
Ushtria izraelite tha se personat në automjet kishin shkelur armëpushimin dhe kishin kaluar vijën e mbrojtjes, çka çoi në goditjen e njërit prej automjeteve dhe të ndërtesës nga ku ishin nisur.
Ngjarja vjen pasi mediat shtetërore libaneze raportuan më herët se dy persona humbën jetën nga një sulm ajror ndaj një makine në fshatin al-Tir, në jug të vendit.
Forcat izraelite bënë të ditur gjithashtu se ka raportime për plagosjen e dy gazetarëve gjatë sulmit, duke theksuar se nuk i shënjestrojnë gazetarët dhe se nuk po pengojnë ekipet e shpëtimit të arrijnë në vendngjarje. Rrethanat e incidentit janë ende duke u hetuar.
