Njoftimi i Presidentit të SHBA-së Donald Trump për të rritur tarifat për makinat nga BE-ja tregon se SHBA-ja është një partner tregtar i pabesueshëm, tha sot Bernd Lange, kryetar i Komitetit të Tregtisë Ndërkombëtare të Parlamentit Evropian.
“Ky veprim i fundit tregon se sa e pabesueshme është pala amerikane. Kjo nuk është mënyrë për të trajtuar partnerët e ngushtë. Tani ne mund të përgjigjemi vetëm me qartësinë dhe vendosmërinë më të madhe, duke përdorur forcën e pozicionit tonë”, theksoi ai.
Read more (Presidenti):Trump pyetet çfarë ndodh nëse nuk arrihet një marrëveshje me Iranin
Presidenti i SHBA-së njoftoi se do të rriste tarifat për makinat dhe kamionët nga Bashkimi Evropian në 25% javën e ardhshme, duke akuzuar BE-në se nuk respekton një marrëveshje tregtare midis Uashingtonit dhe Brukselit.
Lange tha se sjellja e Trump ishte “e papranueshme”. Ai tha se BE po respektonte një marrëveshje tregtare kornizë të arritur me SHBA-në në Skoci vitin e kaluar, e cila vendosi një tarifë importi prej 15% për shumicën e produkteve të BE-së, duke shmangur një luftë më të madhe tregtare.
Read more (Shba):Vdiq pas aksidentit në ShBA 19-vjeçari me prejardhje nga Kosova Kayden Kabashi
Presidenti i Komisionit theksoi se SHBA-të e kishin shkelur vazhdimisht marrëveshjen, “për shembull, me mbi 400 produkte që përmbajnë çelik dhe alumin, të cilat tani i nënshtrohen një tarife mesatare prej 26%.”
