Një shpërthim u dëgjua natën mes 3 dhe 4 majit në Moskë, rreth gjashtë kilometra larg Kremlinit, që dyshohet se ishte për shkak të një sulmi me dron.
Dhe sipas mediave të huaja, përcjell Telegrafi, kryebashkiaku Sergei Sobyanin konfirmoi sulmin – nga i cili thuhet se nuk ka viktima.
Në të njëjtën kohë, dronë u panë gjithashtu mbi Samara, sipas kanaleve OSINT dhe kryebashkiakut të kryeqytetit rus.
Read more:Përshkallëzim i ri në kufirin mes Izraelit dhe Libanit – sulme ajrore dhe plagosje nga të dyja palët
Siç theksohet më tej, një shpërthim ndodhi në zonën e Rrugës Mosfilmovskaya dhe në rrjetet sociale janë publikuar imazhe të ndërtesës së dëmtuar.
Shërbimet e emergjencës janë në vendngjarje dhe rrugët aty pranë janë mbyllur.
“Sipas informacioneve paraprake, një dron goditi një ndërtesë pranë Rrugës Mosfilmovskaya. Nuk ka viktima. Shërbimet e emergjencës po punojnë në vendngjarje”, shkroi kryebashkiaku i Moskës, Sergei Sobyanin.
Read more:Kujdes ku ju puth mashkulli: mënyra si e bën mund të zbulojë atë që nuk e thotë
Sipas kanaleve të monitorimit, dronët ukrainas manovruan mbi qytet në lartësi jashtëzakonisht të ulëta.
Sulmi ndodhi pesë ditë para paradës së planifikuar të 9 majit në Sheshin e Kuq. /Telegrafi/
