Ervin Salianji i është përgjigjur Sali Berishës për akuzat e tij se ai hante dreka e darka me Ergys Agasin. Salianji i thotë se nëse ka guxim, duhet të publikojë dosjet dhe jo të fshihet pas fjalëve.
Postimit i bashkëngjiti edhe një pjesë nga dosja duke hedhur dyshime për heshtjen e Berishës lidhur me Ermal Beqirin pasi ngre pyetjen mos kryetari i PD “ka marrë ndonjë llokmë.”
Salianji thotë se Berisha po bëhet qesharak për një karrige dhe po kthehet në simbol të kapjes e degradimit, ndërsa i kujton se nuk mundet as ta blejë e as ta kërcënojë.
“Sali kolltuku, je tmerruar sepse po humb privilegjet.
Lëri llafet si llaxor lagjeje dhe dil, nëse ke guxim, publiko dosjet. Ja ku i ke, fakte jo halucinacione prej frikës!
Sepse faktet janë kokëforta.
Ja ku e ke një pjesë të dosjes Agasi–Beqiri:
Në dokumente rezulton se shtetasja gjermane M.Sh. është kërcënuar se kishte hyrë në një “pishinë peshkaqenësh” dhe për këtë i është kërkuar të paguajë fillimisht 1 milion euro. Ky nuk është opinion, është vendim gjykate.
Po ti pse hesht?
A ke marrë ndonjë “llokmë” që nuk e përmend asnjëherë Ermal Beqirin? Apo të mungon guximi?
Sepse kur përballesh me të vërtetën, zhduket trimëria e rreme.
Ja ku e ke dosjen. Publikoje të plotë, nëse nuk ke frikë.
Sali kolltuku, për një karrige po bëhesh qesharak, po kthehesh në Sali fatkeqësia jo vetëm për demokratët, por për gjithë shoqërinë!
Po kthehesh në simbol të kapjes dhe degradimit, jo vetëm për demokratët, por për gjithë shoqërinë.
Por ke harruar një gjë, mua nuk më blen dhe as kërcënon dot askush, as ti!
Demokratët nuk janë dele. Janë guximtarë.
Read more:Në vend të rozës, skuqësit vjollcë janë pamja më e kërkuar e sezonit
Dhe këtë regjim Rama–Berisha do ta çmontojmë, pjesë-pjesë”,thotë Salianji.
‘Tronditëm sistemin’- Salianji: Lëvizja jonë më e fortë se çdo regjim, në 5 muaj kemi bërë atë që të tjerët s’e kanë bërë për 36 vite (VIDEO)
Ish-deputeti i Partisë Demokratike, Ervin Salianji, është shprehur se sëbashku me qytetarët që e kanë mbështetur gjatë lëvizjes së këtyre 5 muajve, kanë arritur të trondisin sistemin.
Komentet Salianji i bëri përmes një postimi të ndarë në rrjetet sociale, ku ka publikuar edhe video nga takimet që ka zhvilluar gjatë kësaj kohë në qytetet e Shqipërisë.
Salianji shkruan krahas videos se në 5 muaj kanë arritur të bëjnë atë që të tjerët sipas tij nuk e kanë bërë në 36 vite.
Më tej Salianji shkruan se lëvizja e tij është më e fortë se çdo regjim, teksa thekson se kjo lëvizje është fillimi i fundit të sistemit të vjetër.
Reagimi i Salianjit:
Miq, 5 muaj mjaftuan për të bërë atë që të tjerët s’e bënë në 36 vite: të trondisim sistemin e kalbur, të ngjallim shpresë!
Lëvizja jonë është më e fortë se çdo regjim.
Është fillimi i fundit të sistemit të vjetër!
Gjithmonë me demokratët
Mirënjohje
P.J/SI.E./Shqiptarja.com
Komente
KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t’i ndalohet nga ai moment të komentojë te Shqiptarja.com