Në mbrëmjen e dytë të festimeve në kuadër të çeljes së sezonit veror një tjetër koncert festiv vjen për kënaqësinë e publikut të shumtë, qytetarëve të Vlorës, pushuesve vendas dhe të huaj.
Sot po performojnë të tjerë artistë ndër emrat më në zë të muzikës, si Noizy, Elgit Doda, Ronela Hajati. Publiku që po i ndjek nga pranë është i shumtë në numër në “Plazhin e Ri”, në Lungomare.
Qyteti bregdetar është kthyer në një skenë të hapur aktivitetesh, ku muzika, eventet dhe atmosfera verore kanë mbledhur qytetarë dhe turistë të shumtë.
Read more:Përplasje në Pejë, “Siparantum” akuzon për injorim dhe tarifa – reagon Drejtoria e Kulturës
Sipas kryebashkiakes Brunilda Mersini, Vlora është gati për një sezon cilësor, me rreth 20 mijë shtretër akomodimi dhe me zgjerim të mëtejshëm të kapaciteteve, ndërsa prenotimet raportohen në nivele të larta.
Sezoni i ri turistik, rëndohet trafiku në lungomaren e Vlorës (VIDEO)
Fundjava, e cila ka përkuar me çeljen zyrtare të sezonit turistik, është shoqëruar me një fluks të lartë automjetesh në qytetin e Vlorës. Lungomarja ka qenë një nga zonat më të ngarkuara, duke sjellë vështirësi të konsiderueshme në qarkullim për shkak të numrit të madh të mjeteve dhe të pranisë së lartë të qytetarëve dhe turistëve.
Read more:Dëshmitar në gjyqin e Laert Haxhiut – Noizy paraqitet në GJKKO
Trafiku i rënduar ka krijuar vonesa dhe ka nxjerrë në pah nevojën për masa më të mirëkoordinuara për menaxhimin e qarkullimit gjatë sezonit veror.
