Një protestuese që i është bashkuar tubimit në Tiranë ka deklaruar se protesta zhvillohet në mbështetje të personave që janë arrestuar padrejtësisht të martën.
Ajo u shpreh se të rinjtë përbëjnë të ardhmen e vendit dhe bëri thirrje për angazhim më të madh të rinisë në protestat kundër qeverisë.
“Jemi në mbështetje të çunave dhe gocave që i kanë futur padrejtësisht brenda. Rinia është e ardhmja e atdheut. Edhe ata që rrinë në kafene duhet të kuptojnë që është koha të ngrihemi”, deklaroi protestuesja.
Më tej, ajo tha se pa rininë nuk mund të ketë një të ardhme për Shqipërinë, duke renditur lirinë dhe vështirësitë ekonomike ndër arsyet që, sipas saj, i kanë nxjerrë qytetarët në protestë.
“Pa rini nuk ka Shqipëri. Protestojmë për lirinë, për pamundësitë ekonomike. Shqipëria është mbytur në llum”, u shpreh ajo.
Në fund, protestuesja iu drejtua kryeministrit Edi Rama, duke kërkuar dorëheqjen e tij.
“Rama ta kuptojë që dorëheqja e tij duhet të jetë një minutë dhe më parë”, përfundoi ajo.
