Akuzohet për përkrahje të Ergys Agasit, Vlora Hyseni hyn në territorin shqiptar. I komunikohet në kufi masa arrest shtëpie nga SPAK

Tashmë ish-drejtoresha e SHISH Vlora Hyseni mësohet se ka hyrë në territorin shqiptar nga pika kufitare e Morinës.

Për Hysenin, SPAK ka dhënë masën e sigurisë “arrest shtëpie”.

Ajo akuzohet për veprat penale “Përkrahje e autorit të krimit” dhe “Nxjerrje e sekretit shtetëror”, raporton gazetarja Klodiana Lala.

Përpos Hysenit, SPAK ka kryer kontrolle edhe në banesën e ish-drejtorit të Policisë së Shtetit Ilir Proda. Hetimet ndaj tyre po kryhen në kuadër të dosjes së AKSHI-t.

Read more:“S’shkonin pas Dajtit, por në mes të Tiranës! SHISH e kontrollonte Agasi”/ Denoncimi i Berishës: Vlora me Gysin dreka dhe darka dy herë në jave te një lokal poshtë shtëpisë sime

Po për këtë dosje janë arrestuar edhe Ergys Agasi dhe Ermal Beqiraj.

Pas bërjes publike të akuzave, kryeministri Rama e shkarkoi nga detyra Hysenin.