Ministri i Jashtëm iranian, Abbas Araghchi, do të takohet me Vladimir Putinin në Moskë ditën e nesërme gjatë një vizite për ta informuar atë mbi bisedimet e paqes në Lindjen e Mesme, raportoi të hënën agjencia iraniane e lajmeve Isna, duke cituar ambasadorin e Iranit në Rusi.
“Gjatë vizitës së tij të planifikuar në kryeqytetin rus, si pjesë e një turneu që filloi në Islamabad të premten, Araghchi do të diskutojë statusin e fundit të negociatave, armëpushimin dhe zhvillimet përkatëse me zyrtarët rusë, dhe do t’u paraqesë një raport mbi këto negociata atyre”, shtoi agjencia iraniane.
Në Moskë, Ministria e Jashtme ruse konfirmoi se diplomati iranian do të udhëtojë për në Rusi, raportuan agjencitë shtetërore ruse të lajmeve, pa specifikuar datën ose nëse Araghchi do të takohet me Presidentin Putin.
“Ne konfirmojmë vizitën e Araghchi-t në Rusi për bisedime”, tha ministria, e cituar nga agjencitë ruse të lajmeve.
