Senatorët amerikanë kanë ngritur shqetësime gjatë seancës dëgjimore për kandidaturën e Kevin Warsh, i propozuar nga Donald Trump për të drejtuar Rezerva Federale, ndërsa mandati i kreut aktual Jerome Powell pritet të përfundojë në maj.
Gjatë dëshmisë së tij, Warsh u përball me pyetje të forta mbi pavarësinë e tij, duke qenë se Trump dhe Powell kanë pasur përplasje të vazhdueshme, kryesisht për politikat e normave të interesit. Warsh deklaroi se mbështet uljen e normave, por theksoi se do të vepronte në mënyrë të pavarur nga ndikimi politik.
