Çmimet e naftës u rritën këtë të enjte, pas raportimeve për sulme ndaj tre anijeve në Ngushticën e Hormuzit, që dyshohet se janë kryer nga forcat iraniane.
Nafta e papërpunuar Brent, referenca globale, po luhatet rreth 103 dollarë për fuçi, ndërsa nafta amerikane ka kaluar nivelin e 94 dollarëve.
Rritja e çmimeve vjen në një moment tensioni të shtuar në rajon, duke rritur shqetësimet për furnizimin global me energji. Ngushtica e Hormuzit mbetet një nga rrugët më të rëndësishme për transportin e naftës në botë.
Çmimet kanë qenë në rritje edhe pas deklaratës së Presidentit amerikan, Donald Trump, i cili njoftoi zgjatjen e armëpushimit për t’i dhënë Iranit më shumë kohë për arritjen e një marrëveshjeje.
Analistët paralajmërojnë se çdo përshkallëzim i mëtejshëm i situatës mund të ndikojë drejtpërdrejt në tregjet ndërkombëtare dhe në çmimet e karburanteve.
