Pakistani ka shtuar ndjeshëm masat e sigurisë në kryeqytetin Islamabad, në prag të bisedimeve të rëndësishme që lidhen me konfliktin mes SHBA-së dhe Iranit.
Lëvizja vjen pasi presidenti amerikan Donald Trump njoftoi rikthimin e përfaqësuesve të tij në rajon për të rifilluar negociatat.
Nga ana tjetër, Irani ka bërë të ditur se nuk janë planifikuar bisedime të drejtpërdrejta me SHBA-në në këtë fazë. Megjithatë, zyrtarë iranianë ndodhen tashmë në Islamabad për takime me autoritetet pakistaneze, ndërsa negociatorët amerikanë pritet të mbërrijnë së shpejti.
Autoritetet pakistaneze kanë vendosur forca shtesë policie dhe sigurie në zona kyçe të kryeqytetit, për të garantuar mbarëvajtjen e takimeve dhe për të shmangur çdo incident të mundshëm.
Fotot e publikuara nga Islamabad tregojnë prani të shtuar të forcave të rendit dhe kontrolle të forta në rrugë.
