Bordi i Transparencës ka bërë me dije këtë të enjte çmimet e reja të karburanteve, ku vihet re një rritje me 5 lekë/ litër të naftës dhe benzinës, raporton A2CNN.
Çmimi i shitjes me pakicë i naftës do të jetë jo më shumë se 208 lekë/litri.
Ndërkaq çmimi i shitjes me pakicë të benzinës do të jetë jo më shumë se 185 lekë/litri.
Lexoni më poshtë vendimin:
Bordi i Transparencës në datë 30 Prill 2026, në mbledhjen e radhës vendosi:
Read more (Cnn):Trump thotë se luftërat në Iran dhe Ukrainë mund të përfundojnë "në një orar të ngjashëm"
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 208 lekë/litri, ndërsa i shitjes me shumicë jo më shumë se 196 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 185 lekë/litri, ndërsa i shitjes me shumicë jo më shumë se 173 lekë/litër.
Çmimet e caktuara nga Bordi do të hynë në fuqi sot datë 30 ora 13.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Read more (Vendimi):Ankimoi pezullimin e afateve të paraburgimit, Apeli i GJKKO rrëzon kërkesën e Veliajt
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Ministria e Ekonomisë dhe Inovacionit së bashku me Ministrinë e Financave dhe Ministrinë e Infrastrukturës dhe Energjisë janë angazhuar të mbrojnë interesat e konsumatorëve shqiptarë dhe ruajtjes së parimeve të konkurrencës së ndershme në treg.(A2 Televizion)
