Trajneri i Juventusit, Luciano Spalletti, raportohet se e ka kontaktuar personalisht Bernardo Silvën, duke shpresuar ta bindë kapitenin e Manchester Cityt të transferohet në Torino në fund të sezonit.
Sipas “La Gazzetta dello Sport”, Spalletti ka bërë një hap konkret duke i telefonuar mesfushorit portugez, i cili është në listën e dëshirave të Juventusit për merkaton e verës dhe për të cilin ka interes edhe nga klube të tjera evropiane, përfshirë Benficën dhe Barcelonën.
Read more (Juventus):Ardon Jashari përfiton nga dëmtimi i Modricit, gati për shansin e madh te Milani
Raportohet se negociatat mes “Zonjës së Vjetër” dhe agjentit të lojtarit, Jorge Mendes, kanë vazhduar prej javësh, pasi kontrata e Bernardo Silvës me Manchester Cityn skadon në fund të sezonit, çka do ta bënte atë të disponueshëm si lojtar i lirë në muajin qershor.
Gazzetta kujton gjithashtu se Juventusi i ka ofruar Bernardo Silvës një kontratë trevjeçare me vlerë 7 milionë euro në sezon, ndërsa portugezi pritet ta marrë vendimin për klubin e radhës vetëm pas përfundimit të edicionit aktual.
Read more (Luciano spalletti):Spalletti telefonon yllin e Cityt, e do me çdo kusht te Juventusi
Silva thuhet se i ka kërkuar agjentit ta lërë të fokusohet te Man City, skuadër kjo që po lufton për titullin e kampionit në Angli, me pesë xhiro të mbetura deri në fund./Telegrafi/
