Forcimi i partneritetit ekonomik mes Shqipërisë dhe Gjermanisë ishte në qendër të një takimi që ministri për Evropën dhe Punët e Jashtme, Ferit Hoxha, zhvilloi me një delegacion biznesi nga landi i Baden-Württemberg. Takimi u mbajt në Tiranë, në kuadër të vizitës së delegacionit “Baden Baden Business Talks”, ku u diskutua mbi mundësitë për rritjen e investimeve dhe bashkëpunimit ekonomik mes dy vendeve.
Në një postim në rrjetin X, Hoxha e cilësoi takimin si “një moment frymëzues dhe angazhues”, duke theksuar se ishte një mundësi e mirë për të prezantuar zhvillimin ekonomik të Shqipërisë dhe progresin në rrugën drejt integrimit në Bashkimin Evropian.
Read more (Ekonomi):Raporti i Bankës Botërore: Potenciali ekonomik i Kosovës i kufizuar nga mungesa e fuqisë punëtore
Ai theksoi se procesi i integrimit po e bën Shqipërinë gjithnjë e më tërheqëse për investitorët e huaj, duke e cilësuar vendin si një destinacion të besueshëm dhe konkurrues për biznes. Sipas tij, investimi në Shqipëri sot do të thotë pozicionim i hershëm në një ekonomi që synon të bëhet pjesë e BE-së, me potencial në disa sektorë kyç.
Hoxha shtoi se ka gatishmëri për thellimin e këtij bashkëpunimi, me synimin për ta kthyer atë në projekte konkrete dhe përfitime të ndërsjella për të dyja palët. “ Në bashkëpunim të ngushtë nuk ka humbës, por vetëm sukses të përbashkët”, u shpreh ministri.
Read more (gjermani):Trump sulmon kancelarin gjerman: Mos ndërhy tek Irani, mendo më shumë për Kievin dhe vendin tënd! Presidenti amerikan: Bllokada në Hormuz do të zgjasë
Postimi i plotë i Ministrit Hoxha në X
“Nuk ishte vetëm një kënaqësi, por një moment vërtet frymëzues dhe angazhues takimi i sotëm me delegacionin e “Baden Baden Business Talks” gjatë vizitës së tyre në Tiranë, në kuadër të një shkëmbimi mendimesh të vlefshëm dhe stimulues. Ky takim përbëri një mundësi të shkëlqyer për të prezantuar Shqipërinë, vrullin e saj të qëndrueshëm zhvillimor, ecurinë aktuale të procesit të integrimit në BE, si dhe kontekstin më të gjerë evropian dhe global që po formëson perspektivën tonë.
Gjithashtu, ai shërbeu për të forcuar më tej partneritetin ekonomik me Gjermaninë dhe komunitetin e saj të biznesit, duke hapur rrugë për mundësi të reja në fushat e investimeve, tregtisë dhe bashkëpunimit. Rruga e integrimit evropian të Shqipërisë vijon të rrisë ndjeshëm tërheqjen e saj si një destinacion i besueshëm dhe konkurrues për investime.
Read more (Takimi):Kriza në degën e PD në Fier, Noka e Bardhi mbajnë takim me dyer të mbyllura ‘për të qetësuar’ ujërat
U theksua se investimi në Shqipëri sot nënkupton pozicionim të hershëm në një ekonomi të ardhshme anëtare të Bashkimit Evropian, me potencial të konsiderueshëm në sektorë kyç. Shprehim gatishmërinë për ta thelluar këtë angazhim dhe për ta konkretizuar atë në partneritete dhe investime që sjellin përfitime të ndërsjella. Në bashkëpunim të ngushtë nuk ka humbës, por vetëm sukses të përbashkët”
