Pentagoni do të tërheqë 5.000 ushtarë amerikanë nga Gjermania. Një pjesë e trupave që do të largohen nga Evropa do të kthehen në Shtetet e Bashkuara dhe më pas do të dislokohen diku tjetër, tha një zyrtar amerikan për CBS.
Tërheqja e 5.000 trupave nga Gjermania mund të përfundojë në gjashtë deri në dymbëdhjetë muajt e ardhshëm.
Presidenti i Shteteve të Bashkuara, Donald Trump, ka siguruar se “do të marrë kontrollin” e Kubës “pothuajse menjëherë”, duke shtuar se më parë do të përfundojë operacionin në Iran. Deklaratat u bënë gjatë fjalimit të tij në një darkë të Forum Club në West Palm Beach, Florida.
Read more (Pentagoni):Tensionet në Hormuz dhe bllokada amerikane, shkarkohet nga detyra sekretari i marinës së SHBA
Në fjalim, Trump ritheksoi se Irani s’mund të ketë armë bërthamore.
“Nuk mund t’i jepni Iranit një armë bërthamore, sepse do ta përdornin kundër Izraelit shumë shpejt, dhe do ta përdornin në Lindjen e Mesme, dhe do ta përdornin në Evropë, dhe ne do të ishim të radhës. Dhe kjo nuk do të ndodhë”, tha presidenti.
Por ndërkohë, demokratët i janë kundërvënë për deklaratën se “lufta në Iran ka përfunduar.”
Read more (Gjermania):Trump: SHBA-të po shqyrtojnë shkurtimet e trupave në Gjermani (ndërsa përplasjet me Merz intensifikohen)
“Ajo që ai ka deklaruar nuk pasqyron realitetin për dhjetëra mijëra ushtarë në rajon. Trump hyri në këtë luftë pa strategji dhe pa një autorizim ligjor, dhe ajo që i tha Kongresit nuk ndryshon asnjërën nga këto”, tha senatorja demokrate Jeanne Shaheen.
“Të thuash se Shtetet e Bashkuara nuk po e fitojnë luftën në Iran është tradhti”, tha Trump.
Lajm në përditësim…
