Një grua ka lindur pesënjakë në shtetin rajonal Harari të Etiopisë, pas 12 vitesh përpjekjesh për të pasur një fëmijë.
Bedriya Adem tha se ajo dhe bashkëshorti i saj ishin “tepër të gëzuar” që “u bekuan me pesë fëmijë njëherësh”.
35-vjeçarja lindi katër djem dhe një vajzë, të cilët janë të gjithë “me shëndet të plotë”, në Spitalin e Specializuar Hiwot Fana, tha spitali.
“Nuk mund ta shpreh lumturinë time me fjalë”, tha ajo, duke kujtuar se si ishte “e mbushur me depresion dhe dhimbje” derisa lutjet e saj u përgjigjën.
Read more:Rrahje mes dy personave në Rahovec, njëri dërgohet në mbajtje
Drejtori i spitalit, Dr. Mohammed Nur Abdulahi, tha se nëna dhe foshnjat mbetën nën kujdesin mjekësor në spital.
Mjeku njoftoi se Bedriya kishte mbetur shtatzënë natyrshëm, pa ndihmën e fertilizimit in vitro (IVF), të cilin spitali nuk e ofron.
Raportohet se mundësia për të lindur pesënjakë në mënyrë natyrale është rreth një në 55 milionë.
Bedriya tha se fillimisht i ishte thënë se ishte shtatzënë me katër foshnje, por kur lindi, pati edhe një.
Read more:Tifozët e Real Madridit vërshojnë profilin e Tchouamenit, të gjithë shkruajnë të njëjtën gjë
“U luta vetëm për një fëmijë dhe Allahu më dha pesë”, tha ajo, duke folur për ndjesinë e saj gjatë “pritjes së gjatë”.
“Kalova 12 vjet në dhimbje, duke u fshehur dhe duke u lutur vazhdimisht për fëmijë – më në fund, Allahu më dëgjoi”, shtoi gruaja.
Fëmijët janë emëruar Naif, Ammar, Munzir, Nazira dhe Ansar. /Telegrafi/
