Rusia ka ndërmarrë gjatë natës një sulm të fuqishëm ndaj Kievit, duke përdorur dronë dhe raketa balistike, vetëm pak orë pas përfundimit të armëpushimit tre-ditor.
Lajmi është raportuar nga media ukrainase Kyiv Independent.
Sipas raportimeve, në kryeqytetin ukrainas u dëgjuan shpërthime të shumta, ndërsa sistemet e mbrojtjes ajrore u aktivizuan menjëherë për të neutralizuar dronët dhe raketat që hynin në hapësirën ajrore të qytetit.
Read more:Pas paradës ushtarake në Moskë, Putin shfaqet në Institutin ku prodhohen raketat: Kemi nevojë për…
Sulmi shkaktoi dëme të konsiderueshme në periferi të Kievit, ku disa ndërtesa u shembën si pasojë e goditjeve. Autoritetet lokale konfirmuan se deri tani është raportuar një viktimë dhe 16 persona të plagosur.
Kreu i administratës ushtarake të qytetit, Timur Tkachenko, deklaroi se shumica e të plagosurve janë transportuar në spital për trajtim mjekësor, ndërsa dy persona morën ndihmë ambulatore në vendngjarje.
