Ditën e djeshme, Gjykata Kushtetuese vendosi të rikthejë për rishqyrtim në Gjykatën e Lartë çështjen që lidhet me masën e sigurisë “arrest me burg” ndaj kryebashkiakut të Tiranës, Erion Veliaj.
I ftuar në ‘Shqipëria Live’, gazetari Artan Hoxha u shpreh se Gjykata Kushtetuese i kërkon tashmë Gjykatës së Lartë të zbatojë një vendim që është marrë nga ajo vetë.
Hoxha u shpreh se Veliajn ishte një politikan i fuqishëm, por është bërë viktimë e famës së vet, duke bërë që qëndrimet që mbahen ndaj tij të jenë armiqësore.
“Veliaj është viktimë sot i famës së vet. Qëndrimi që mbahet ndaj tij është një urrejtje shumë e madhe, ose ka një qëndrim armiqësor, ose ka mbështetje. Me të nuk ka të mesme. Edhe ata që e mbështesin etiketohen ashpërsisht. Veliaj është më luftarak. Ai mund të ishte live në 3-4 kronika në TV, por mund të ishte në Tokio realisht. Ai ishte politikani me ngjitjen më të fuqishme që kam parë unë. Ishte njeriu që për 2 dekadat e ardhshme do të ishte në drejtim të vendit.
Ky padurim që kishte ai për të qenë në drejtim të shtetit. Ai ia kalon edhe Ramës, është akoma kryetar bashkie. Veliaj është i tillë, ose e urren, nuk ka një të mesme. Ai është aty me votën e socialistëve, nuk ia mohojmë dot. Ai nuk është një socialist, socialist, i implementuar. Ai ishte socialist në fushatë, pastaj ishte vetvetja. Ajo që po i ndodh Veliajt, është viktimë e famës së vet, është i paragjykuar për çdo gjë që bën. Edhe aty ku ai ka të drejtë, të gjithë bien dakord t’ia privojnë të drejtat, mbyte atë. Ne na kanë kthyer si puna e gjelave të detit para vitit të ri. Veliaj edhe po të ketë të drejtë, nuk ia jep njeri. Ti e pe çfarë ndodhi me Ndrenikën. E pe sa aktorë shkonin poshtë ballkonit të Berishës, me qindra. A ka thënë njeriu gjë? Janë qëndrime personale.
Unë njoh qindra miq të Metës që nuk i shkojnë te burgu. Si është e mundur që sot njeriu që Veliaj i ka ndihmuar, sot fshihen si struci. Veliaj po kërkon për mua një të drejtë. Për mua Veliaj duhet të ishte për ngjarje të tjera, për akuzën që ka sot dhe fakti që GJK nuk ia hoqi mandatin. Hetimin që i bëhet Veliajt dhe momenti që është bërë prag gjykimi vendimtar, a mund të kishte një masë tjetër sigurie. SPAK e do në burg, ky lloj hetimi që është, e nxjerr atë nga politika. Vendimi i djeshëm i GJK, ajo ka dhe një gjyqtar mangut, vendimi do të jetë tek.
Vendimi i djeshëm 5 me 3 tregon që ka një lëvizje. GJK në 5 kërkesat e Veliajt kishte rrëzuar 3 që për mua ishin të rëndësishme dhe kishte lënë 2. GJK nuk e merr përsipër vetë vlerësimin e kushtetutshmërisë së masës, por i thotë Gjykatës së Lartë. I thotë meqë ti para 4 javësh more një vendim me Kolegjet e Bashkuara, u tha që ky vendim nuk po merret për qytetarët e thjeshtë. Vendimi i GJL u paragjykua. GJL nuk intimidohet, nuk e ha presionin. GJL tani, GJK i ka thënë e ke marrë këtë vendim tani, hajde zbatoje”, u shpreh Hoxha.
