Kalo te përmbajtja
  • EN
  • SQ
  • IT
  • FR
  • ES
  • DE
  • EL
VA-NEWS VA-NEWS
  • Home
  • Aktualitet
  • Editoriale
  • Shëndetësi
  • Teknologji
  • Sport
  • Lifestyle
  • Showbiz
  • Udhëtime
LIVE
Navigim

VA-NEWS

  • Home
  • Aktualitet
  • Editoriale
  • Shëndetësi
  • Teknologji
  • Sport
  • Lifestyle
  • Showbiz
  • Udhëtime
Shkurtore
Kreu Të Rejat
LIVE
Gjuha
  • EN
  • SQ
  • IT
  • FR
  • ES
  • DE
  • EL

Kërko lajme

  1. Kryefaqja
  2. Politikë
  3. Kryeministri e sulmoi gjatë intervistës/ Gazetarja e CNN publikon SMS-të e protestuesve për Ramën: Ka dështuar si kryeministër
Politikë

Kryeministri e sulmoi gjatë intervistës/ Gazetarja e CNN publikon SMS-të e protestuesve për Ramën: Ka dështuar si kryeministër

• 24 Qershor, 2026 • 10 min lexim • 👁 16
◉ WhatsApp 𝕏 X
News

Përplasja mes gazetares së CNN, Isa Soares, dhe kryeministrit Edi Rama duket se po thellohet. Pak ditë pasi Edi Rama sulmoi publikisht CNN gjatë një paneli në Romë dhe pretendoi se rrjeti amerikan i detyrohej ndjesë Shqipërisë, Soares ka zgjedhur t’i japë zë qytetarëve shqiptarë që prej javësh protestojnë kundër qeverisë. Në një postim në Instagram, gazetarja e CNN shkroi se prej më shumë se 20 ditësh shqiptarët brenda dhe jashtë vendit kanë ngritur zërin në protesta dhe se ajo ka marrë dhjetëra mesazhe nga pjesëmarrësit në këto demonstrata.

“Kam marrë shumë mesazhe nga njerëz që marrin pjesë në këto protesta. Me pëlqimin e tyre, do të ndaj disa nga përvojat, perspektivat dhe historitë e tyre. Për të mbrojtur privatësinë, të gjithë kanë zgjedhur të mbeten anonimë. Zërat e tyre meritojnë të dëgjohen”, shkroi Soares.

Më pas, gazetarja publikoi një seri dëshmish të qytetarëve shqiptarë, të cilat përbëjnë një aktakuzë të ashpër ndaj qeverisjes 13-vjeçare të Edi Ramës.

Në mesazhet e publikuara, protestuesit shprehen se zemërimi i qytetarëve nuk lidhet vetëm me projektin e Sazanit apo zhvillimet e fundit, por me një grumbullim pakënaqësish që sipas tyre përfshin korrupsionin e përhapur, largimin masiv të të rinjve, varfërinë, kapjen e institucioneve dhe mungesën e meritokracisë. Një qytetar shkruan se Rama ka dështuar në detyrën e tij kushtetuese si kryeministër për të garantuar zhvillim të drejtë dhe të sigurt për vendin, ndërsa një tjetër e akuzon qeverinë për grabitje tokash, privatizim të pasurive publike dhe shkatërrim të zonave të mbrojtura si Laguna e Nartës.

Read more:Tragjike në SHBA, aeroplani rrëzohet menjëherë pas nisjes, humbin jetën 11 parashutistët dhe piloti

Në një prej mesazheve më të forta, protestuesit shprehen se termi “zhvillim” po përdoret për të maskuar shndërrimin e pasurive publike dhe zonave të mbrojtura në resorte luksoze në shërbim të oligarkëve. Po ashtu, përmendet edhe projekti i Sazanit, i cili sipas tyre është simbol i një politike që po shet pasuritë kombëtare pa transparencë dhe pa llogaridhënie publike.

Të tjerë qytetarë e lidhin revoltën me përqendrimin e pushtetit në duart e qeverisë pas më shumë se 13 vitesh në pushtet, duke ngritur shqetësime për gjendjen e spitaleve, mungesën e barnave për pacientët, pensionet e ulëta, varfërinë dhe largimin e vazhdueshëm të shqiptarëve nga vendi. Mesazhet flasin për korrupsion, pabarazi ekonomike, mungesë transparence në projektet strategjike dhe një sistem që favorizon interesat oligarkike në kurriz të qytetarëve të zakonshëm. “Shqipëria nuk është në shitje”, është fraza që përsëritet në disa prej dëshmive të publikuara nga gazetarja e CNN.

Mesazhet e qytetarëve të përkthyera:

1.
“Por të mos e reduktojmë zemërimin e shqiptarëve vetëm te një ishull. Ky ishte thjesht pika që derdhi gotën. Shqiptarët kanë dalë në rrugë për shkak të korrupsionit të përhapur, largimit masiv të të rinjve, varfërisë, kapjes së institucioneve publike, privatizimit të pasurive publike, mungesës së meritokracisë dhe ndjesisë gjithnjë e më të madhe se zëri i qytetarëve nuk dëgjohet më. Ishulli është vetëm simboli më i fundit i një frustrimi që është grumbulluar prej vitesh.”

Read more:“Libri i fshehtë!”, Ina Zhupa: “Dosjet Shqiptare” zbulojnë Shqipërinë private të Ramës, beton, privilegje dhe territore të dhuruara

2.
“Ai ka dështuar në detyrën e tij kushtetuese si kryeministër për të garantuar një zhvillim të sigurt dhe të drejtë të vendit tonë të bukur.”

3.
“Jam thellësisht i/e zhgënjyer dhe i/e zemëruar me Qeverinë e Shqipërisë për grabitjen e tokave, privatizimin dhe shkatërrimin e zonave të mbrojtura të Shqipërisë, përfshirë Lagunën e Nartës, një nga ekosistemet më të çmuara të vendit dhe habitat jetik për flamingot. Kryeministri Edi Rama po përdor termin ‘zhvillim’ për të maskuar shkatërrimin e tokave publike dhe zonave të mbrojtura, duke i kthyer ato në projekte resortesh luksoze në shërbim të oligarkëve të fuqishëm me rekorde kriminale. Revolucioni i Flamingove, pra qytetarët shqiptarë, janë kundër shkatërrimit të zonave të mbrojtura, dobësimit të mbrojtjes mjedisore dhe shitjes së trashëgimisë natyrore të Shqipërisë pa llogaridhënie të duhur publike. Jam i/e tërbuar dhe i/e neveritur nga marrëdhënia transaksionale e Edi Ramës me familjen Trump, duke tentuar të shesë Ishullin e Sazanit vetëm për të fituar besimin e familjes Trump pas deklaratave të tij të mëparshme ‘Zoti na ruajt nëse fiton Trump’, si dhe në këmbim të lidhjeve të tij historike me familjen Soros.”

4.
“Ajo që ndezi protestën nuk ishte vetëm grabitja e tokës. Ishte pushteti absolut që kjo qeveri ka prej më shumë se 13 vitesh. Një pushtet që përdoret për të ndryshuar ligjet sipas interesave personale, ndërkohë që spitalet mbeten në gjendje tepër të rëndë. Pacientëve me kancer në spitalet publike u mungojnë ilaçet kryesore për trajtimin e tyre. Mijëra familje në qytete të tjera përveç Tiranës jetojnë në varfëri të plotë. Praktikisht po jetojmë në një diktaturë; mediat kryesore janë blerë nga qeveria dhe nuk janë më të pavarura. Njerëzit, pronarë të tokave prej më shumë se katër brezash nga jugu deri në lindje të vendit, po zhveshen nga pronat e tyre. Flamingot ishin thjesht pika e fundit. Partia kryesore opozitare është bashkëfajtore me qeverinë aktuale. Flamingot ishin pika e fundit. Ne, populli shqiptar, themi: mjaft është mjaft! SHQIPËRIA NUK ËSHTË NË SHITJE!”

Read more:Për lëndim të rëndë trupor, Kobra dhe dy të tjerët dënohen vetëm me nga 5 mijë euro gjobë nga Gjykata e Prizrenit

5.
“E ardhmja e një kombi i përket popullit të tij dhe kur qytetarët bashkohen për demokraci, llogaridhënie dhe një jetë më të mirë, zëri i tyre nuk mund të injorohet përgjithmonë. Lufta vazhdon jo vetëm nga zemërimi, por edhe nga shpresa për një Shqipëri më të drejtë, më të fortë dhe më të begatë.”

6.
“Njerëzit po kërkojnë llogaridhënie, transparencë dhe respekt. Ata po kërkojnë një qeveri që u shërben qytetarëve dhe jo interesave politike. Ata po kërkojnë institucione demokratike të lira dhe të ndershme që pasqyrojnë vullnetin e popullit. Kjo lëvizje nuk ka të bëjë vetëm me vështirësitë ekonomike. Ka të bëjë me dinjitetin. Ka të bëjë me të drejtën e çdo shqiptari për t’u dëgjuar, respektuar dhe përfaqësuar. Asnjë qeveri nuk duhet të nënvlerësojë vendosmërinë e qytetarëve që qëndrojnë së bashku në mbrojtje të të drejtave dhe të ardhmes së tyre. Mesazhi nga rrugët është i qartë: njerëzit nuk do të heshtin dhe nuk do të heqin dorë nga lufta e tyre për drejtësi, mundësi dhe një Shqipëri më të mirë.”

7.
“Sot, mijëra qytetarë po ngrenë zërin kundër korrupsionit, varfërisë, padrejtësisë dhe viteve të premtimeve të thyera. Ata protestojnë për pensione të drejta, kujdes shëndetësor të përballueshëm, paga dinjitoze, arsim cilësor, infrastrukturë funksionale dhe shërbime sociale që çdo qytetar meriton. Për një kohë shumë të gjatë, shumë shqiptarë janë ndjerë të injoruar nga ata që janë në pushtet. Ata kanë parë kostot e jetesës të rriten ndërsa mundësitë zvogëlohen. Kanë parë akuza për korrupsion, skandale dhe hetime që përfshijnë zyrtarë publikë, ndërkohë që familjet e zakonshme luftojnë për të përballuar jetesën.”

Read more:Grabitje me armë në Kamzë, dy persona të maskuar futen në argjendari dhe vjedhin bizhuteritë

8.
“Populli shqiptar ngriti zërin dhe po pyet: Si mund të flasë një kryeministër për progres afatgjatë kombëtar, për shitjen e tokave tona, zgjerimin e turizmit dhe integrimin europian, kur vetë vendi vazhdon të jetë thellësisht i prekur nga korrupsioni, pabarazia, shërbimet publike në dështim dhe një sistem ekonomik që gjithnjë e më shumë duket se u shërben interesave oligarkike dhe jo popullit të zakonshëm?”

9.
“Një nga përgjegjësitë më të rëndësishme të çdo qeverie është garantimi i aksesit në kujdes shëndetësor cilësor për qytetarët e saj. Megjithatë, në vitin 2026, spitalet në Shqipëri vazhdojnë të vuajnë nga infrastruktura e pamjaftueshme, mungesa e pajisjeve mjekësore, mungesa e mbajtjes së stafit të kualifikuar, pagesat e ulëta për punonjësit e shëndetësisë dhe shërbime që shpesh nuk arrijnë standardet minimale. Qytetarët detyrohen të kërkojnë trajtim jashtë vendit, të paguajnë privatisht për kujdesin e domosdoshëm ose të pranojnë një sistem shëndetësor që nuk garanton vazhdimisht dinjitet dhe siguri. Punëtorët vazhdojnë të marrin paga të pamjaftueshme për të përballuar rritjen e kostove të jetesës, ndërsa pensionistët detyrohen të mbijetojnë me pensione që nuk pasqyrojnë realitetin e inflacionit, kostove të strehimit, ushqimeve dhe shpenzimeve shëndetësore. SHQIPËRIA NUK ËSHTË NË SHITJE!”

10.
“Kam studiuar në Shtetet e Bashkuara dhe mora vendimin e vetëdijshëm të kthehem në Shqipëri sepse besoja se mund të ndërtoja jetën time këtu. Kohët e fundit e vë në dyshim këtë vendim pothuajse çdo ditë. Kjo protestë ka të bëjë me shumë më tepër sesa një resort luksoz. Ka të bëjë me faktin se po e shohim vendin tonë të bëhet gjithnjë e më i paarritshëm për njerëzit që jetojnë në të. Çdo projekt i diskutueshëm shitet si ‘zhvillim’, por ajo që marrim janë resorte ultra-ekskluzive ku shumica e shqiptarëve nuk do të mund të hyjnë kurrë, ndërsa të rinjtë vazhdojnë të largohen sepse nuk shohin të ardhme këtu. Qeveria nuk ka dhënë pothuajse asnjë transparencë apo shpjegim publik për projektin e Zvërnecit, vetëm pritshmërinë që ne duhet të besojmë edhe një tjetër ‘investim strategjik’. Ne nuk po protestojmë sepse jemi kundër investimeve.”

Read more:Rama shan protestuesit: Kush më akuzon se jam “Kumbari” i them “F*ck You”!

11.
“Ne po protestojmë sepse jemi lodhur nga dhënia e tokave publike, natyrës së mbrojtur dhe burimeve kombëtare pa llogaridhënie dhe pa debat të mirëfilltë publik. Jemi lodhur duke na thënë se kjo është përparim, kur edhe një herë përfitimet duket se u përkasin të gjithëve, përveç njerëzve që e quajnë këtë vend shtëpinë e tyre.”

Mesazhi përmbyllës i Isa Soares:
“Faleminderit për të gjitha mesazhet tuaja.”

Lexo edhe
Politikë

Ashpërsohet “lufta” mes Veliajt dhe Ramës/ Kryebashkiaku firmos shkarkimin e 2 drejtorëve, ikën Rigers Sheqeri i IMT dhe Zhaneta Beqiri e kopshteve

Politikë

Greta Thunberg krah protestuesve në Tiranë, Reuters i bën jehonë pjesëmarrjes së aktivistes së njohur në revoltën e shqiptarëve

Tags: #Aktakuzë #Cnn #E ardhmja #Edi Rama #Familje #Flamingot #Grabitje #hetime

Gazetar i VA News.

Nga e njëjta kategori
  • Ashpërsohet “lufta” mes Veliajt dhe Ramës/ Kryebashkiaku firmos shkarkimin e 2 drejtorëve, ikën Rigers Sheqeri i IMT dhe Zhaneta Beqiri e kopshteve
  • Greta Thunberg krah protestuesve në Tiranë, Reuters i bën jehonë pjesëmarrjes së aktivistes së njohur në revoltën e shqiptarëve
  • Policia shoqëron me dhunë 17-vjeçarin jetim që preku zemrat e shqiptarëve. Erindi u gjobit disa ditë më parë me 5 mijë euro, për të u mblodhën 140 mln lekë në GoFundMe (VIDEO)
  • Votim në mesnatë/ Kuvendi miraton në parim projektbuxhetin e vitit të ardhshëm. Kalojnë edhe 5 projektligje që lidhen me paketën e re fiskale
  • Mema: Ligji për bletarinë ka mbetur në sirtar
Nga të njëjtat tag-e
  • Ashpërsohet “lufta” mes Veliajt dhe Ramës/ Kryebashkiaku firmos shkarkimin e 2 drejtorëve, ikën Rigers Sheqeri i IMT dhe Zhaneta Beqiri e kopshteve
  • Parodia me taksimin e të pasurve nga kryeministri i tyre – Ide
  • Vetëm 46 metra për t’u ngritur në ajër, avioni që mund të ndryshojë udhëtimet ajrore!
  • Protestë te Kuvendi e Ministria e Arsimit, mblidhen pak njerëz! Tensione para Kryeministrisë, policia zhvendos protestuesit në trotuar (VIDEO)
  • Përplasje në protestë/ Protestuesit bllokojnë qarkullimin, policia i zhvendos në trotuar! Disa shoqërime, mes tyre edhe vajza e një i moshuar (VIDEO)
Më të lexuarat — 48h
  1. 01
    Kronikë Protestuesit bllokim rrugësh dhe marshim, një grup mblidhen te Kryeministria! I vënë flakën koshave të plehrave (VIDEO) 4 lexime · 6 orë më parë
  2. 02
    Sociale Protestuesit bllokim rrugësh dhe marshim, një grup mblidhen te Kryeministria! I vënë flakën koshave të plehrave (VIDEO) 4 lexime · 6 orë më parë
  3. 03
    Teknologji E prenë, e zien, por e “mashtroi” vdekjen/ Misteri i ‘meduzës së pavdekshme’ që mund të fshehë sekretin e anti-plakjes 3 lexime · 1 ditë më parë
  4. 04
    Kronikë Rinas/ Kërcënim për bombë në avionin nga Manchesteri, policia kontrollon me qen antieksploziv! S’gjendet asnjë send shpërthyes 2 lexime · 1 ditë më parë
  5. 05
    Ekonomi Subvencionet për 48 mijë fermerë/ Skema kombëtare, 34 mijë fermerë marrin këstin e parë, pagesat deri më 31 dhjetor 2 lexime · 1 ditë më parë
  6. 06
    Politikë Ashpërsohet “lufta” mes Veliajt dhe Ramës/ Kryebashkiaku firmos shkarkimin e 2 drejtorëve, ikën Rigers Sheqeri i IMT dhe Zhaneta Beqiri e kopshteve 2 lexime · 6 orë më parë
  7. 07
    Sociale Lezha feston 82-vjetorin e çlirimit, homazhe te Varrezat e Dëshmorëve dhe koncert festiv nga nxënësit (VIDEO) 1 lexime · 1 ditë më parë
Artikuj të Ngjashëm
Politikë

Ashpërsohet “lufta” mes Veliajt dhe Ramës/ Kryebashkiaku firmos shkarkimin e 2 drejtorëve, ikën Rigers Sheqeri i IMT dhe Zhaneta Beqiri e kopshteve

Përplasja mes kryeministrit Edi Rama dhe kryebashkiakut të Tiranës, Erion Veliaj, po reflektohet gjithnjë e më shumë në…

• 6 orë më parë • 2 min lexim
Politikë

Greta Thunberg krah protestuesve në Tiranë, Reuters i bën jehonë pjesëmarrjes së aktivistes së njohur në revoltën e shqiptarëve

Aktivistja suedeze për klimën, Greta Thunberg, iu bashkua studentëve dhe protestuesve në Tiranë, në protestën e të rinjve…

• 1 ditë më parë • 1 min lexim
Politikë

Policia shoqëron me dhunë 17-vjeçarin jetim që preku zemrat e shqiptarëve. Erindi u gjobit disa ditë më parë me 5 mijë euro, për të u mblodhën 140 mln lekë në GoFundMe (VIDEO)

Qytetarët kanë protestuar tek Komisariati numër 1 në Tiranë në këtë mbrëmje, ku janë solidarizuar me protestuesit e…

• 2 ditë më parë • 1 min lexim
VA-NEWS VA-NEWS

Portal modern i lajmeve të besueshme, të pavarura dhe multilanguage. Informacion i saktë, çdo ditë.

  • Aktualitet
    • Botë
    • Ekonomi
    • Kronikë
    • Politikë
    • Sociale
  • Editoriale
  • Teknologji
  • Uncategorized
  • © 2026 VA News. Bërë me ♥ në Shqipëri
    ⌂ Kreu ◷ Të Rejat

    Powered by CookieAdmin
    Necessary cookies enable essential site features like secure log-ins and consent preference adjustments. They do not store personal data.
    None
    Functional cookies support features like content sharing on social media, collecting feedback, and enabling third-party tools.
    None
    Analytical cookies track visitor interactions, providing insights on metrics like visitor count, bounce rate, and traffic sources.
    None
    Advertisement cookies deliver personalized ads based on your previous visits and analyze the effectiveness of ad campaigns.
    None
    Unclassified cookies are cookies that we are in the process of classifying, together with the providers of individual cookies.
    None
    Powered by CookieAdmin