Media ndërkombëtare CNN, ka publikuar pamjet nga protesta e qytetarëve në Kakome të Vlorës duke iu referuar si tubimet e zhvilluara kundër investimit të Jared Kushner e Ivanka Trump në Zvërnec duke përcjellë për audiencën dezinformim.
Agjencia për Media dhe Informim (MIA) ka reaguar duke thënë se shpërndarja e një informacioni të pasaktë e konkretisht të pamjeve të paverifikuara, ndikon në krijimin e një imazhi jo të saktë për Shqipërinë.
“Turmat e protestuesve dhe disa video që qarkullojnë në rrjete sociale kanë ndikuar në mënyrën si perceptohet Shqipëria ??në disa raste, duke krijuar keqkuptime edhe në media ndërkombëtare.
Read more:Analiza / Cilat janë pasojat e rënies së Orbanit – Ide
Madje, edhe media si CNN kanë pasqyruar pamje nga Kakomeja, të cilat janë interpretuar gabimisht si reagim ndaj projekteve turistike. Në fakt, këto pamje nuk lidhen me Sazanin apo Zvërnecin.
Përhapja e informacionit të pasaktë mund të krijojë një imazh jo plotësisht real të Shqipërisë, duke ndikuar në perceptimin publik dhe në klimën e përgjithshme të investimeve dhe turizmit”, shkruan MIA.
Read more:Mediat pro-Netanyahu sulmojnë marrëveshjen SHBA-Iran, rriten tensionet me Uashingtonin
Një reagim ka ardhur dhe kreu i grupit parlamentar të PS, Taulant Balla, i cili thotë se “CNN e bëri biznesmenin mish për top, duke e bërë edhe këtë dhëndër të Presidentit Trump.”
Pra, pamjet që CNN ka publikuar në rrjete sociale, nuk lidhen aspak me investimet e planifikuara për në Zvërnec apo në Ishullin e Sazanit që do të zhvillohen nga dhëndri e vajza e presidentit Donald Trump. Protesta në Kakome ka ndodhur më datë 21 qershor, ku banorët shembën rrethimin e një toke ku është planifikuar të ndërtohet. Ajo zonë mbahet e izoluar prej 22 vitesh.
