Anëtari i Kryesisë së Partisë Demokratike, Dorian Teliti, ka reaguar për situatën ekonomike të pensionistëve dhe mënyrën e përdorimit të fondeve publike nga qeveria.
Në një deklaratë, Teliti pretendon se 87% e pensionistëve nuk arrijnë të përballojnë shpenzimet bazë me pensionin e tyre, duke akuzuar qeverinë se po orienton miliona euro drejt eventeve luksoze dhe propagandës, ndërsa nuk adreson nevojat e shtresave më të dobëta.
“Ndërsa prindërit dhe gjyshërit tanë zvarriten për të shtyrë muajin me pensione qesharake, qeveria gjen miliona euro nga taksat tona për të paguar koncerte luksi, drita, skena dhe sfilata propagandistike”, u shpreh Teliti. Sipas tij, shpenzimet për “fasada dhe show” nuk mund të justifikohen përballë vështirësive ekonomike me të cilat përballen pensionistët.
Reagimi i anëtarit të kryesisë së PD, Dorian Teliti:
Read more:Hegseth paralajmëron rishikim të pranisë ushtarake amerikane në Evropë, kritikon aleatët e NATO-s
Fakt: 87% e pensionistëve nuk ja dalin dot të paguajnë shpenzimet bazike me pensionin e tyre.
Ndërsa prindërit dhe gjyshërit tanë zvarriten për të shtyrë muajin me pensione qesharake, qeveria gjen miliona euro nga taksat tona për të paguar koncerte luksi, drita, skena dhe sfilata propagandistike.
Për fasada dhe show që zgjasin pak orë, paratë derdhen lumë, ndërsa për dinjitetin e atyre që ndërtuan këtë vend, xhepat e qeverisë janë gjithmonë bosh.
Ky nuk është thjesht dështim ekonomik. Ky është falimentim moral!
Nuk mund të ketë Shqipëri që shkëlqen nëpër ekrane, kur brezi që na rriti nuk siguron dot nevojat bazike të jetesës.
Mjaft me fasada mbi kurrizin e më të pamundurve!
