Bloomberg: Lutjet e Ramës ndaj “Sulltanit turk” nuk mjaftuan për të bindur aleatët që Shqipëria të presë Samitin e ardhshëm të NATO-s

Përpjekja e Shqipërisë për të siguruar organizimin e samitit të ardhshëm të NATO-s nuk ka dhënë rezultat, sipas një raporti të Bloomberg.

Media amerikane shkruan se “lutjet e Edi Ramës ndaj presidentit turk Recep Tayyip Erdoğan”, të cilin e përshkruan në titull si “Sulltani turk”, “nuk kanë mjaftuar për të bindur aleatët që të konfirmojnë zhvillimin e samitit në Shqipëri”.

Bloomberg shkruan se “Edi Rama nuk arriti të siguronte mbështetjen e nevojshme për kandidaturën e Shqipërisë, kur liderët e aleancës u mblodhën javën e kaluar në Ankara”.

Read more:VIDEO/ Trump injoron Ramën që kërkon të marrë vëmendje me atletet e bardha, në nisje të Samitit të NATO-s

Sipas raportit, në prag të takimit, Rama kishte lobuar intensivisht që Shqipëria të zgjidhej vendi pritës i samitit të NATO-s vitin e ardhshëm. Megjithatë, gjatë diskutimeve nuk u arrit një marrëveshje për ta caktuar vendin si mikpritës të samitit.

Media amerikane thekson se çështja mbetet ende e hapur, ndërsa brenda Aleancës po shqyrtohen alternativa të ndryshme për vendin dhe kohën e organizimit të takimit.

Read more:Numri i vdekjeve në Shqipëri ra gjatë vitit 2025, INSTAT: Sëmundjet e zemrës mbeten shkaku kryesor

Pasiguritë lidhen edhe me zhvillimet politike brenda NATO-s dhe me shqetësimet për tensionet që mund të shoqërojnë samitet e ardhshme.

Deri më tani, NATO nuk ka shpallur një vendim përfundimtar për vendin mikpritës të samitit të ardhshëm, ndërsa diskutimet mes vendeve anëtare vijojnë.