Ka nisur në Kuvendin e Shqipërisë seanca e radhës plenare, ku deputetët pritet të shqyrtohen një sërë projektligjesh, projektrezolutash dhe raporte vjetore të institucioneve kushtetuese dhe të drejtësisë.
Ndërkohë që nga mëngjesi, para Kuvendi janë mbledhur qytetarët, të cilët kanë nisur ditën e 51-të të revoltën, ku kërkohet largimi i qeverisë dhe dorëheqja e kryeministrit Edi Rama. Ata kanë goditur me vezë makinat e ligjvënësve, ndërsa kanë përsëritur thirrjet: “Nuk na përfaqësoni! Arrestoni Ramën! Parlament i krimit! Arresto Ballukun! Parlament analfabet!”.
Edhe opozita ka thyer bojkotin e seancave dhe është paraqitur në sallë.
Seanca nis me miratimin e procesverbalit të mbledhjes së datës 16 korrik 2026 dhe njoftimet përkatëse, ndërsa më pas do të paraqitet Raporti i Këshillit Kombëtar të Integrimit Europian për vitin 2025.
Në rendin e ditës është përfshirë edhe shqyrtimi i projektligjit “Për shoqëritë evropiane të bashkëpunimit (SHEB)”.
Një pjesë e rëndësishme e seancës do t’i kushtohet diskutimit dhe miratimit të projektrezolutave për vlerësimin e veprimtarisë së institucioneve kryesore të pavarura dhe të sistemit të drejtësisë për vitin 2025. Mes tyre janë:
Avokati i Popullit;
Këshilli i Lartë Gjyqësor (KLGJ);
Këshilli i Lartë i Prokurorisë (KLP);
Kontrolli i Lartë i Shtetit (KLSH);
Prokuroria e Përgjithshme;
Struktura e Posaçme kundër Korrupsionit dhe Krimit të Organizuar (SPAK);
Inspektori i Lartë i Drejtësisë (ILD).
Ndërkohë, jashtë Kuvendit është paralajmëruar edhe një protestë qytetare, pasi organizatorët e rezistencës kanë bërë thirrje për një tubim para Parlamentit gjatë zhvillimit të seancës plenare.
Rendi i Ditës:
1. Miratimi i procesverbalit të seancës plenare të datës 16.7.2026.
2. Njoftime.
3. Raporti i Këshillit Kombëtar të Integrimit Europian për vitin 2025.
4. Projektligji “Për shoqëritë evropiane të bashkëpunimit (SHЕВ)”.
5. Projektrezolutë “Për vlerësimin e veprimtarisë së Avokatit të Popullit për vitin 2025″.
6. Projektrezolutë “Për vlerësimin e veprimtarisë së Këshillit të Lartë Gjyqësor për vitin 2025”.
7. Projektrezolutë “Për vlerësimin e veprimtarisë së Këshillit të Lartë të Prokurorisë për vitin 2025”
8. Projektrezolutë “Për vlerësimin e veprimtarisë së Kontrollit të Lartë të Shtetit për vitin 2025″.
9. Projektrezolutë “Për vlerësimin e veprimtarisë së Prokurorisë së Përgjithshme për vitin 2025”.
10. Projektrezolutë “Për vlerësimin e veprimtarisë së Strukturës së Posaçme kundër Korrupsionit dhe Krimit të Organizuar për vitin 2025”
11. Projektrezolutë “Për vlerësimin e veprimtarisë së Inspektorit të Lartë të Drejtësisë për vitin 2025”.
12. Diskutime për çështje jashtë rendit të ditës.
