Një aksident rrugor është regjistruar në orët e para të mëngjesit të sotëm në Sarandë. Ngjarja ka ndodhur rreth orës 06:00, në hyrje të rrugës “Onhezmi”.
Shoferi ka humbur kontrollin e makinës duke u përplasur fillimisht me kazanët e mbeturinave që ndodheshin anës rrugës dhe më pas me dy pemë.
Përplasja ka shkaktuar dëmtime të konsiderueshme në automjet dhe në pemët përgjatë trotuarit. Fatmirësisht, nuk raportohet për persona të lënduar dhe nuk janë dëmtuar automjete të tjera.
Pas ngjarjes, në zonë kanë ndërhyrë punonjësit e shërbimeve, të cilët kanë prerë dhe larguar dy pemët e dëmtuara nga përplasja, për të shmangur rrezikun për kalimtarët dhe qarkullimin.
