Qarkullimi në aksin Tiranë-Durrës i është rikthyer normalitetit. Autoriteti Rrugor Shqiptar bën me dije se kanë përfunduar punimet për montimin e trarëve metalikë në mbikalimin e ri në Kashar.
Aksi u bllokua në orën 23:00 të së premtes dhe sipas njoftimit, do të vijonte deri në orën 05:00 të së shtunës. Qarkullimi ishte devijuar në dy korsitë në anën e majtë, ndërsa nuk prekej lëvizja drejt aeroportit.
Njoftimi:
Përfundojnë përpara afatit punimet për montimin e trarëve metalikë të mbikalimit të ri në Kashar!
Falë angazhimit me mjete dhe punëtorë të shtuar punimet për montimin e trarëve metalikë të mbikalimit të ri në Kashar kanë përfunduar përpara parashikimit, duke mundësuar vijimin normal të qarkullimit në aksin Tiranë–Durrës.
Sot, qarkullimi në aksin Tiranë–Durrës do të vijojë normalisht.
P.J/Shqiptarja.com
LAJMET MË TË VLERËSUARA