Vizita e kreut të Partisë Demokratike, Sali Berisha, në Shtetet e Bashkuara të Amerikës dhe heqja e masave shtrënguese ndaj tij kanë qenë në qendër të diskutimit nga anëtari i PD-së, Gent Çela.
I ftuar në emisionin “News24 Fundjavë”, Çela pretendoi se qëndrimi i mbajtur më parë ndaj Berishës nuk kishte të bënte me terminologjinë diplomatike “non grata”, por me sanksione politike të nxitura nga zyrtarë të përfshirë në afera.
Read more:Berisha me krerët e Drejtësisë amerikane: Takim me Todd Blanche dhe Stanley Woodward
Çela nënvizoi se masa ndaj liderit të opozitës ka rënë tërësisht. “Heqja e sanksionit ndaj zotit Berisha është përfundimtare sepse nuk ka qenë ndonjëherë non grata. Termi përdoret për diplomatë të vendosur nga një vend i caktuar dhe që nuk lejohen më të shkelin në atë vend,” u shpreh ai.
Më tej, përfaqësuesi i demokratëve drejtoi akuza të drejtpërdrejta ndaj emrave të diplomacisë dhe inteligjencës që ndikuan në vendosjen e këtyre masave gjatë viteve të kaluara. “Sali Berisha kishte një sanksion të vendosur nga persona që janë sot të sanksionuar për të mos shkelur kurrë më në institucionet e SHBA, si zoti Blinken. Siç ishte ambasadorja Yuri Kim, apo siç ishte McGonigal që po vuan një dënim për afera korruptive,” deklaroi Çela.
