Zëdhënësja e Antikorrupsionit të PD Gent Vangjeli në një deklaratë për mediat, është ndalur te situata problematike në shëndetësi.
Ajo ka sjellë në vëmendje rastin e një pensionisteve e cila sipas saj është detyruar që të kërkojë ndihmë për djalin e saj 30-vjeçar të sëmurë dhe të papunë.
Referuar premtimeve të ministres së Shëndetësisë, Klodiana Spahiu , pas premtimit në Kuvend, Vangjeli thotë se dyert e Ministrisë janë të mbyllura për qytetarët.
Deklarata e zëdhënëses së Antikorrupsionit në PD, Genta Vangjeli:
Vetëm një ditë pas emërimit të ministres së re të Shëndetësisë, një nënë pensioniste u detyrua të shtrihej në tokë para Ministrisë së Shëndetësisë, për të kërkuar ndihmë për djalin e saj 30-vjeçar, Albi Sulën, i sëmurë dhe i papunë.
Albi prej tre vitesh përballet me dhimbje të forta dhe, sipas dëshmisë së tij dhe familjes, pas vizitave, analizave dhe trajtimeve në Shqipëri ende nuk ka marrë një përgjigje të qartë për burimin e problemit të tij shëndetësor.
Pasi i është nënshtruar një operacioni onkologjik pranë QSUNT, ky pacient deklaron se nuk ka marrë më asistencë nga bluzat e bardha.
Në këto kushte, ka kërkuar që shteti ta dërgojë në Turqi dhe pas refuzimit, vetë familja e ka dërguar për një ndihmë të specializuar në Turqi nga ku është kthyer me porosinë që të vijojë të kryejë kontrolle periodike për të mbajtur sëmundjen nën kontroll.
Pasi Albi ka rikërkuar ndihmën e shtetit e konkretisht MSH për të mundësuar kontrollet periodike në Turqi për shkak të pamundësisë ekonomike për ti paguar vetë, edhe njëherë tjetër Ministria nuk bën asgjë…
Nëna e Albit mes lotës që dilnin për shkak të pensionit mujor 70 dollarë, papunësisë së djalit për shkak të sëmundjes dhe nevojës së pashmangshme për kurimin e tij, tha:
Kërkova ndihmë në ministri…u shtriva në tokë…. por askush nuk më priti…..
Kjo ndodhi vetëm pak orë pasi ministrja deklaroi se zyra e saj do të jetë e hapur nga mëngjesi në darkë në shërbim të qytetarëve.
Zonja Ministre, ky është momenti për ta mbajtur premtimin..
Partia Demokratike kërkon trajtim të menjëhershëm të rastit të Albi Sulës, vlerësim të plotë mjekësor dhe çdo mbështetje që parashikon ligji për hospitalizimin dhe trajtimin e tij edhe jashtë vendit.
Askush nuk ka pse shtrihet në tokë për t’u dëgjuar nga shteti.
