Donald Trump i lidhi të shtënat në darkën e Shoqatës së Korrespondentëve të shtunën në mbrëmje me sallën e re të ballove në Shtëpinë e Bardhë që presidenti ka insistuar gjithmonë të ndërtohet.
Në një postim në Truth Social, presidenti amerikan pretendoi se incidenti nuk do të kishte ndodhur nëse salla e ballove që është në ndërtim e sipër në anën lindore të Shtëpisë së Bardhë do të ishte përfunduar tashmë.
Trump tha se salla e ballove në Shtëpinë e Bardhë ka standarde të larta sigurie dhe e quajti “padinë për sallën e ballove, të ngritur nga një grua që po shëtiste qenin e saj dhe që nuk ka të drejtë ligjore për të paditur, qesharake” dhe tha se padia “duhet të hidhet poshtë menjëherë” dhe “asgjë nuk duhet të lejohet të ndërhyjë në ndërtimin e saj”.
Postimi i plotë:
Ajo që ndodhi mbrëmë është pikërisht arsyeja pse Ushtria jonë e madhe, Shërbimi Sekret, Zbatimi i Ligjit dhe, për arsye të ndryshme, çdo President gjatë 150 viteve të fundit, kanë kërkuar që të ndërtohet një sallë ballo e madhe, e sigurt dhe e mbrojtur në territorin e Shtëpisë së Bardhë.
Ky incident nuk do të kishte ndodhur nëse do të ekzistonte salla e ballove tepër sekrete, e nivelit ushtarak, që aktualisht është në ndërtim e sipër në Shtëpinë e Bardhë. Ndërsa është e bukur, ajo ka nivelin më të lartë të sigurisë, pa zona sipërfaqësore për persona të paautorizuar që të hyjnë, dhe ndodhet brenda portave të ndërtesës më të sigurt në botë, Shtëpisë së Bardhë.
Padia qesharake për sallën e ballove, e ngritur nga një grua që shëtiste qenin e saj dhe që nuk kishte të drejtë ligjore për të paditur, duhet të hidhet poshtë menjëherë. Asgjë nuk duhet të lejohet të pengojë ndërtimin e saj, i cili është brenda buxhetit dhe dukshëm përpara afatit! Faleminderit për vëmendjen tuaj ndaj kësaj çështjeje.
