Një aksident trafiku ka ndodhur sot rreth orës 12:24, në aksin rrugor Gjilan–Kamenicë, ku janë përfshirë dy kamionë.
Si pasojë e përplasjes, përveç dëmeve materiale, dy drejtuesit e mjeteve kanë pësuar lëndime trupore dhe janë dërguar për trajtim në Qendra Emergjente Gjilan.
Rastin e ka konfirmuar për Telegrafin, zëdhënësi i Policisë për rajonin e Gjilanit, Valon Osmani.
“Sot rreth orës 12:24 në aksin rrugor Gjilan–Kamenicë ka ndodhur një aksident trafiku ku janë përfshirë dy kamion. Si pasojë e aksidentit, përveç dëmeve materiale, lëndime trupore kanë pësuar dy ngasësit, të cilët janë dërguar në Qendrën Emergjente në Gjilan për trajtim mjekësor,” thuhet në njoftim.
Read more (Gjilan):Vështirësi me radhët, rreth 55 pacientë trajtohen çdo ditë në ambulancën e ortopedisë në Gjilan
Pas aksidentit, njëra korsi e rrugës është bllokuar për qarkullim.
Në vendin e ngjarjes ndodhen njësitet policore dhe ekipet relevante, të cilat janë duke punuar për lirimin e rrugës dhe normalizimin e trafikut. /Telegrafi/
