U nënshkrua këtë të mërkurë marrëveshja mes shoqërisë italiane Ficantieri, një nga kompanitë më të mëdha të ekselencës në Evropë dhe kompanisë KAYO, për të prodhuar në Shqipëri, në kantierin e Pashalimanit anije lundruese në dobi të ushtrisë shqiptare, por dhe të vendeve aleate.

Drejtori i KAYO, Ardi Veliu, në fjalën e tij tha se kjo marrëveshje do të ndihmojë në modernimzimin e ushtrisë shqiptare, shkruan A2 CNN.

Read more (Anije):Çmimet e naftës rriten pavarësisht propozimit të Iranit për të rihapur Ngushticën e Hormuzit

Ndërsa ministri i Mbrojtjes, Ermal Nufi, u shpreh se falë këtij bashkëpunimi do të përfitojë ushtria por edhe ekonomia shqiptare. “Është një vlerë e shtuar jo vetëm për Shqipërinë, por edhe për eksportin. Nga ky bashkëpunim ka disa vlera strategjike. Shqipëria bëhet një bazë e re evropiane e Ficantieri për anijet e vogla dhe të mesme”, tha ai.

Read more (Cnn):Lufta/ Trump: Irani na informoi se ndodhet në kolaps, kërkojnë që ne të hapim Ngushticën e Hormuzit! Emiratet e Bashkuara braktisin OPEC

“Rreth 400 persona do të punësohen në këtë kantier të ri. Është një kantier i fjalës së fundit të teknologjisë që do të zhvillohet në Vlorë. Jam i bindur që kjo shoqëri e re që do të krijohet do të jetë krenari për ne”.