Kryeministri Edi Rama i pranishëm në firmosjen e marrëveshjes mes shoqërisë Ficantieri dhe kompanisë KAYO për të prodhuar në Shqipëri në kantierin e Pashalimanit anije lundruese.
“Kemi arritur në një pikë shumë të rëndësishme për të ardhmen dhe jo vetmë të aparatit të sigurisë së Shqipërisë dhe FA, por edhe ekonomisë e së ardhmes së të rinjve shqiptarë. Është një marrëveshje për të krijuar një shoqëri të re. Është një marrëveshje për të prodhuar në Shqipëri, në kantierin e Pashalimanit, anije lundruese në dobi të ushtrisë shqiptare dhe ushtrive të tjera të vendeve aleate. Ajo që e bën këtë marrëveshje të veçantë është se bota e kantierëve po ndryshon dhe kjo marrëveshje kërkon që të përcaktojë një vullnet e vizion për të ndryshuar këtë ndryshim me diçka të re që do të krijojë një ekselencë italo-shqiptare në territorin tonë dhe që do t’i shërbejë botës së kantierëve. Është një lajm shumë i mirë për të rinjtë, vajzat e djemtë e shkollës industriale të Vlorës që do të jenë të parët që do të ftohen për të marrë pjesë në këtë shoqëri të re, në qytetin e tyre të lindjes dhe do të jenë të shoqëruar nga profesionistët e këtij kantieri dhe do të arsimohen në Itali, por edhe në Shqipëri ku ky shpirt i dytë do të marrë jetë së shpejti. Kjo marrëveshje hap rrugën për një diskutim të ri për arsye ekonomike sepse do të jemi të parët që do të përfitojmë nga produktet e Shqipërisë, nga dy anijet e para që do të ndërtohen për FA dhe do të çojnë në 7 numrin e flotës sonë”, tha Rama.
Read more (Edi Rama):Shqipëria nënshkruan marrëveshje energjetike prej 6 miliardë dollarësh me SHBA-në dhe Greqinë
Ministri i Mbrojtjes, Ermal Nufi, tha se marrëveshja sjell vende të reja pune dhe fuqizim të eksportit.
“Sot me këtë nënshkrim shoqëria KAYO fillon një hap të ri. Do të arrijmë të prodhojmë për nevojat e eksportit. Shqipëria bëhet një bazë e re europiane e Ficantierit për anijet e vogla e të mesme, zgjeron aktivitetin. Ficantieri do të sjellë edhe punë dhe në planin e biznesit që kemi nënshkruar, rreth 400 persona do të punësohen në këtë kantier të ri. Rritje të kapaciteteve vendase prodhuese dhe humane”, tha ministri i Mbrojtjes Ermal Nufi.
Read more (Anije):Ngërçi në Ngushticën e Hormuzit lë 20,000 detarë të bllokuar në anije mallrash
Përfaqësuesi i Ficantierit tha se kjo marrëveshje mbart strategji e ambicie.
Read more (itali):“Po barazohen me Ndranghetën”/ Komisioni Antimafia në Itali raport për mafien shqiptare: Po bëhet gjithnjë e më e pranishme në vend
“Siç sapo kemi diskutuar, ka shumë strategji dhe ambicie pas kësaj marrëveshjeje. S’është vetëm dëshira për të ndjekur një program por për të lëshuar diçka produktive me ambicie. Mund të kemi një produkt që ta përdorim në eksportin e Ficantierit, duke pasur modernizim, konkurrencë dhe ide anijeje e procesi produktiv ndryshe”, tha përfaqësuesi i Ficantierit.
Lajm në përditësim…
