Shërbimi Meteorologjik Ushtarak njoftoi se sot vendi ynë do të ndikohet nga kushte atmosferike kryesisht të paqëndrueshme.
Moti parashikohet me vranësira mesatare deri të dendura si dhe intervale afatshkurtra me diell përgjatë ultësirës perëndimore.
Vranësirat e dendura do të shoqërohen me reshje shiu të herëpashershme me intensitet të ulët në të gjithë territorin prej orëve të mesditës deri ato të pasdites vonë. Në orët e mbrëmjes ndërprerje e reshjeve të shiut në të gjithë territorin. Në zonën e Alpeve, në verilindje mbi 1100-1200 metra dhe lindje-juglindje mbi 1200-1400 metra parashikohen reshje dëbore me intensitet të ulët.
Read more (moti):Ditë pranvere me temperatura të larta, parashikimi i motit për të mërkurën (VIDEO)
Era do të fryjë me drejtim kryesor verilindje-lindje me shpejtësi mesatare 9 m/s, ndërsa hera-herës në bregdet dhe lugina pritet të arrijë shpejtësi deri në 18 m/s shoqëruar me valëzim në dete të forcës 3-4 ballë.
