Real Madridi nuk ka ndërmend të paguajë klauzolën e lirimit të Jose Mourinhos për ta shkëputur nga Benfica, raporton gazetari Ramon Alvarez.
Trajneri portugez thuhet se është i etur të rikthehet në “Santiago Bernabeu” për një mandat të dytë, ndërsa presidenti i klubit, Florentino Perez, e ka identifikuar atë si një nga opsionet kryesore për postin e trajnerit.
Megjithatë, “Los Blancos” nuk janë të gatshëm ta aktivizojnë klauzolën e tij të lirimit prej 6 milionë eurosh, gjë që mund t’ia zbehë shanset Mourinhos për rikthim.
Read more (Real madrid):Mourinho i ka kërkuar tashmë Real Madridit transferimin e parë
Sipas raportimit, gjiganti spanjoll nuk planifikon të shpenzojë më shumë sesa shpenzoi vitin e kaluar për ta emëruar Xabi Alonson në krye të skuadrës.
Ndërkohë, përpos Mourinhos në listën e Realit është edhe Jurgen Klopp, por “Los Blancos” e kanë bërë të qartë se nuk do të bëjnë lëvizje, pa deklaruar publikisht tekniku gjerman se dëshiron të rikthehet në pozitën e trajnerit.
Read more (Jose mourinho):Mourinho thyen heshtjen dhe flet për një kalim të mundshëm te Real Madridi
Reali pritet në verë të bëjë edhe disa ndryshime në skuadër, me emra si Edouardo Camavinga, David Alaba, Fran Garcia e Dani Ceballos që janë vendosur në shitje./Telegrafi/
