Presidenti amerikan, Donald Trump tha se po shqyrton uljen e numrit të trupave amerikane në Spanjë dhe Itali, ndërsa SHBA po rishikon në mënyrë të gjerë praninë e saj ushtarake në Evropë, mes mosmarrëveshjeve me aleatët për luftën në Iran.
“Dua të them, ata nuk kanë qenë tamam në anën tonë”, u përgjigj Trump kur u pyet për mundësinë e uljes së trupave në Itali dhe Spanjë.
Trump kishte thënë gjithashtu se po shqyrtonte një reduktim të mundshëm të trupave në Gjermani, shkruan cnn.
Read more (Donald Trump):“Duhet të rregullojë vendin e tij të shkatërruar”/ Trump kritikon sërish Merz: Bëje Gjermaninë më të sigurt
“Po, ndoshta do ta bëj. Pse të mos e bëj? Italia nuk ka qenë aspak ndihmuese. Spanja ka qenë e tmerrshme. Absolutisht”, pohoi ai.
Trump ka pasur tensione të konsiderueshme me liderët e aleatëve evropianë për shkak të mungesës së mbështetjes në luftën në Iran. Në Zyrën Ovale, ai sërish kritikoi kancelarin gjerman, Friedrich Merz pasi ky i fundit i ofroi ndihmë me Iranin.
“Dhe do të mendonit se ata do të kishin thënë: ‘do të donim t’ju ndihmonim. Dua të them, ai po bën një punë të tmerrshme”, shtoi ai për Merzin.
Read more (Shba):Regjimi po ndërron në Iran, por pse kjo nuk po i pëlqen SHBA-së
Ky i fundit kishte thënë më herët këtë javë se Shtetet e Bashkuara po “poshtërohen” nga Irani, megjithatë ai gjithashtu deklaroi se marrëdhënia e tij me Trumpin mbetet “e mirë”.
Ndryshe, Trump kohët e fundit gjithnjë e më shumë ka sulmuar vendet e NATO-s për mungesë të investimeve. /Telegrafi/
