Shtëpia e Bardhë i ka thënë zyrtarisht Kongresit se e konsideron luftën me Iranin “të përfunduar”, pavarësisht pranisë së forcave të armatosura amerikane në rajon.
Pse është kaq e rëndësishme?
Bëhet fjalë për një periudhë 60-ditore që filloi të ecë kur SHBA-të nisën sulmet e para ndaj Iranit, shkruan skynews.
Kjo për shkak të Rezolutës së Pushteteve të Luftës të vitit 1973, e cila i udhëzon presidentit të kërkojë autorizim nga Kongresi për luftë nëse një konflikt ushtarak arrin pragun 60-ditor.
Ato 60 ditë kanë mbaruar sot.
Ky ligj i lejon një presidenti të kërkojë një zgjatje 30-ditore, nëse është e nevojshme, për të larguar në mënyrë të sigurt trupat nga rajoni.
Read more (Irani):Trump shqyrton mundësinë e përdorimit për herë të parë të raketave hipersonike ‘Dark Eagle’, mund të godasin objektivat deri në 2 milje larg
Por Donald Trump nuk ka bërë asnjërën.
Në vend të kësaj, ai tha se nuk ka nevojë për autorizim sepse është në fuqi një armëpushim.
‘Lufta ka përfunduar’ – por a është vërtet kështu?
Në dy letra që ai shkroi – nga një dërguar secilës dhomë të Kongresit Amerikan – ai deklaroi: “Më 7 prill 2026, urdhërova një armëpushim dyjavor. Armëpushimi është zgjatur që atëherë”.
Read more (Shba):Irani i dërgon Pakistanit propozim të ri për paqe me SHBA-në, Teherani vijon përpjekjet diplomatike
“Nuk ka pasur shkëmbim zjarri midis Forcave të Shteteve të Bashkuara dhe Iranit që nga 7 prilli 2026. Armiqësitë që filluan më 28 shkurt 2026 kanë përfunduar”.
Pavarësisht “suksesit” të operacioneve amerikane, tha ai, kërcënimi që paraqet Irani për SHBA-në “mbetet i rëndësishëm” – duke sugjeruar se lufta në të vërtetë nuk ka mbaruar.
“Unë kam drejtuar dhe do të vazhdoj të drejtoj Forcat e Armatosura të Shteteve të Bashkuara në përputhje me përgjegjësitë e mia dhe në përputhje me autoritetin tim kushtetues për të drejtuar marrëdhëniet e jashtme të Shteteve të Bashkuara dhe si Komandant i Përgjithshëm dhe Kryeshef Ekzekutiv”, shtoi presidenti në letër. /Telegrafi/
