Ardon Jashari ka folur para përballjes në “Mapei Stadium” ndaj Milanit, duke theksuar se kjo ndeshje është një mundësi e madhe për të dëshmuar veten, sidomos në një rol që zakonisht i takon Luka Modricit.
Në prag të takimit, pas barazimit të Comos, një fitore e “Rossonerëve” do t’i afronte edhe më shumë me kualifikimin në Ligën e Kampionëve, ndërsa Jashari pritet të ketë një rol më të rëndësishëm në mesfushë.
Mesfushori shqiptar që përfaqëson Zvicrën u shpreh i gatshëm të marrë përgjegjësitë, duke e pranuar se mungesa e Modricit është e ndjeshme, por njëkohësisht duke treguar vendosmërinë për ta shfrytëzuar shansin.
Read more (Ardon jashari):Kontratë e re apo pensionim? Kjo pritet të jetë e ardhmja e Modricit pas lëndimit
“Më vjen keq për Lukën, por tani është radha ime në atë rol”, deklaroi Jashari, duke shtuar se synon t’i përdorë karakteristikat e tij për ta ndihmuar ekipin të bëjë një paraqitje të mirë.
Ai nuk la pa përmendur as Francesco Magnanellin, duke e vlerësuar figurën e tij dhe duke nënvizuar se kjo ditë është e veçantë për të. Jashari tha se cilësia e Magnanellit shihet ende qartë, duke komentuar se “e vëren që ka qenë mesfushor, sepse ende ka një këmbë shumë të mirë”.
Read more (Para):Kendall Jenner në qendër të vëmendjes në festën e Bezos dhe Sanchez para Met Gala
Për Jasharin, kjo sfidë është një provë e rëndësishme: të tregojë se mund ta mbajë peshën e mesfushës dhe të zëvendësojë denjësisht një emër të madh si Luka Modric./Telegrafi/
