"Dhënie ryshfeti e keqpërdorim i pozitës zyrtare" – arrestohen shtatë persona në Prishtinë, Lipjan dhe Vushtrri

Në kuadër të një procesi hetimor që Prokuroria Speciale e Republikës së Kosovës është duke e zhvilluar lidhur me shpronësimet e kundërligjshme, të mërkurën më 6 maj është zhvilluar një operacion policor në Prishtinë, Lipjan dhe Vushtrri.

Sipas një njoftimi thuhet se si rezultat i këtij operacioni të koordinuar mes Prokurorisë Speciale dhe Policisë së Kosovës, janë arrestuar shtatë persona.

“V.G dhe N.R për veprën penale ‘Dhënia e ryshfetit’, H.M., Sh.S dhe H.M., për veprën penale ‘Keqpërdorimi i pozitës apo autoritetit zyrtar’. N.K për veprën penale ‘Marrja e ryshfetit’, dhe A.P, për veprën penale ‘Ndihmë në kryerjen e veprës penale – Dhënia e ryshfetit dhe Marrja e ryshfetit’ “, thuhet në njoftim.

Read more:Tragjike në Venecia/ Humb jetën një 20-vjeçar pasi u mbyt në ujërat pranë zonës së San Polos, shpëtojnë mrekullisht dy të tjerë

Tutje në njoftim thuhet se gjatë zbatimit të urdhër kontrollit, janë sekuestruar pajisje teknologjike, para të gatshme në vlerë prej 6,450 eurosh, dhe dokumentacion i ndryshëm.

Lidhur me të njëjtin rast, në dhjetor të vitit të kaluar janë arrestuar edhe shtatë (7) persona të tjerë.

Read more:​Inspektohen 110 vendpunishte, Azemi: Gjobat ndaj pronarëve janë të buta, duhet të ashpërsohen

Linku i komunikatës: https://ps.prokuroria-rks.org/artikulli/8079