Artistja me famë botërore, Shakira, ka njoftuar se kënga e saj e re, “Dai Dai”, do të jetë kënga zyrtare e Kupës së Botës 2026, që do të mbahet në qershor dhe korrik në Shtetet e Bashkuara, Meksikë dhe Kanada.
Lajmin e bëri të ditur përmes një postimi në rrjetet sociale, ndërsa kënga pritet të publikohet më 14 maj.
Kjo është hera e tretë që Shakira lidhet me muzikën e Botërorit, pas suksesit të madh me “Waka Waka (This Is Africa)” në Botërorin e Afrikës së Jugut 2010 dhe “La La La” në Botërorin e Brazilit 2014.
Read more:Besi publikon fotografi me partneren e re: Ti më riktheve dhe më zbukurove jetën
Në videon e publikuar, e xhiruar në stadiumin Maracana në Rio de Zhaniero Shakira shfaqet e veshur me bluzë të verdhë dhe pantallona të shkurtra blu, e shoqëruar nga disa kërcimtare dhe me topa futbolli pranë, teksa këndon disa pjesë nga “Dai Dai”.
Në postimin e saj, Shakira u shpreh e entuziazmuar që rikthehet sërish në një nga ngjarjet më të mëdha sportive në botë, ndërsa fansat nisën menjëherë të spekulojnë se “Dai Dai” do të ketë ritme energjike dhe atmosferë feste, në linjën e hiteve që e kanë shoqëruar edhe më parë në Botëror.
Read more:Kënga “Dai Dai” e Shakirës do të jetë himni zyrtar i Botërorit
Publikimi i këngës më 14 maj pritet të shërbejë si nisje e fushatës muzikore të FIFA-s për turneun e verës, që do të zhvillohet në tri shtete pritëse.
