Gjykata e Elbasanit ka lënë në burg regjisorin Petri Bozdo pas aksidentit me pasojë vdekjen e një fëmije 7 vjeç ndodhur në aksi rrugor Elbasan-Librazhd mëngjesin e së hënës.
Siç raporton korrespondetnja Bruna Kërcyku, trupi gjykues mori parasysh kërkesën e prokurorit për masën “arrest me burg” për veprën penale aksident me pasojë vdekjen.
Algit Samurri 7 vjeç u përplas për vdekje nga mjeti nën që drejtohej nga regjisori Petri Bozdo mëngjesin e së hënës fare pranë shkollës së tij në fshatin Mengël të Elbasanit.
Dëshmitarët thanë se fëmija i shpëtoi vëmendjes së të ëmës dhe doli në rrugë ndërsa u përplas për vdekje.
Në seancës gjyqësore Petri Bozdo nuk ka folur, teksa argumentet janë paraqitur nga avokatët.
Ndërsa në dëshminë e parë në polici ai deklaroi se nuk lëvizte me shpejtësi pasi sapo kishte kaluar kufizuesin e shpejtësisë para shkollës. Më tej kishte përshëndetur punonjësin e policisë që ndodhej aty dhe pakë tutje “godas dicka” mësohet të ketë thënë Bozdo. E kam parë që ishte fëmijë kur kam dalë nga makina.
Read more:Tërmet në Elbasan, lëkundjet ndjehen deri në qytetin e Durrësit dhe rrethina
Rruga nacionale Elbasan Librazhd kalon në mes në të zonave të banuara dhe ngjarje të tilla të rënda janë shënuar jo rrallë.
Shkolla 9-vjeçare e fshatit Mengël është vetëm 5 metër nga aksi nacional dhe e gjithë lëvizja e fëmijëve të kësaj zone ndodh pikërisht në këtë rrugë me rrezikshmëri të lartë.
