Mbyllet pas më shumë se tre orësh dita e pestë e protestës, zbardhen 5 kërkesat e “grupit nismëtar”: Dorëheqje e Qeverisë dhe anulimi i Zvërnecit

Me flamuj dhe pankarta në duar, ata e nisën grumbullimin e tyre në sheshin “Skënderbej” dhe shkuan drejt Kryeministrisë.

“Reagim paqësor. Mirëpresim të gjithë ata që janë braktisur nga PS dhe PD”, dëgjohet të thuhet nga protestuesit gjatë grumbullimit të tyre.

Read more:Protestat për Zvërnecin/ Policia sjell autobotët për të shpërndarë turmën, protestuesit mbërrijnë para Kryeministrisë

“Pas 5 ditësh protestash të pandërprera në Tiranë dhe duke parë vendosshmërinë e Sovranit për të përmbushur kërkesat tona, ju njoftojmë se kjo nismë mbështetet nga një grup me integritet. Gra dhe burra dinjitozë, të vendosur për të çuar deri në fund kërkesat e sovranit, do të dimë të marrim në kohë të duhur vendimet e duhura. Kjo nismë lindi si përgjigje ndaj një rreziku të madh ku ndodhet vendi ynë. Deklaroj se protesta është organizuar dhe udhëhiqet nga qytetarë të lirë, të bashkuar rreth një kauzë ta drejtë kombëtare për të ardhmen e Shqipërisë. Paraqesim kërkesat që burojnë nga vullneti i lirë i mijëra qytetarëve që janë bashkuar në mbrojtje të lirisë dhe interesit kombëtar. Kërkesa të qarta dhe të panegociueshme: * Dorëheqjen e qeverisë; * Shfuqizimin e statusit dhe të kuadrit ligjor që lidhet me investitorët strategjikë; * Shfuqizimin e Paketës së Maleve; * Anulimin e ndryshimeve në Ligjin për Zonat e Mbrojtura; * Anulimin e ndryshimeve në Ligjin për Trashëgiminë Kulturore”, u shpreh një nga protestuesit në podium përpara Kryeministrisë.

20:45 Foto-Lajm/ Dita e pestë e protestës përpara Kryeministrisë, çfarë nuk u pa nga tubimi i qytetarëve për Zvërnecin

Fillimisht grumbullimi ka nisur në sheshin “Skënderbej” dhe më pas marshuan drejt Kryeministrisë. Me flamuj dhe pankarta në duar, ata janë mbledhur për të vijuar protestën e tyre.

Read more:Bllokimi i punës në Aeroportin e Vlorës, Gjykata e Lartë i dha të drejtë Pacollit, reagon “2A Group”: Do mbrojmë këtë aset nga interesat “offshore”, kryesuesi i trupit gjykues ishte në konflikt interesi

20:12 “Sot po protestoj për Enean…”/ Tubimi për Zvërnecin, qytetarët vendosin në shkallët e Kryeministrisë foton e efektivit të vrarë në Maliq

Një foto e Enea Mekollit është vendosur në shkallët e Kryeminbistrisë, e shoqëruar me dy lule. “Sot protestoj për Enean, që u vra nga shteti”, shkruhej në foton e vendosur.

Read more:Protesta përpara Kryeministrisë për Zvërnecin, qytetarët çajnë kordonin e policisë

18:11 Tubimi për Zvërnecin, babai i Martin Canit i bashkohet protestuesve në shesh

Babai i të ndjerit Martin Canit, Engjëll Cani, iu është bashkuar protestuesve në shesh. Tashmë ka nisur grumbullimi i qytetarëve në sheshin “Skënderbej” për protestën kundër projektit në Zvërnec.