Një operacion antidrogë është zhvilluar ditën e sotme nga Policia në Malësi të Madhe, në fshatin Ivanaj.
Përmes një njoftimi, Policia bën të ditur se gjatë operacionit u gjetën të kultivuara 306 bimë të dyshuara narkotike Cannabis Sativa, të cilat u asgjësuan nëpërmjet djegies.
Ndërkohë në pranga ranë një 40-vjeçar dhe një 43-vjeçar, banues në fshatin Guci e Re, të dyshuar si autorë të kultivimit të këtyre bimëve.
Materialet procedurale iu referuan Prokurorisë Shkodër, për veprime të mëtejshme hetimore.
Read more:Helikopteri ushtarak amerikan rrëzohet pranë Ngushticës së Hormuzit, droni shpëton dy pilotët
Njoftimi i Policisë:
Malësi e Madhe/Finalizohet operacioni i koduar “Flagranca”, goditet një rast i kultivimit të bimëve narkotike në fshatin Ivanaj.
Kapën në flagrancë në parcelën ku ishin kultivuar bimët narkotike dhe vihen në pranga 2 shtetas.
Shërbimet e Komisariatit të Policisë Malësi e Madhe, si rezultat i hetimeve intensive të kryera me metoda proaktive, për një rast të kultivimit të bimëve narkotike, finalizuan operacionin e koduar “Flagranca”.
Gjatë operacionit, në territorin e fshatit Ivanaj, u gjetën të kultivuara 306 bimë të dyshuara narkotike Cannabis Sativa, të cilat u asgjësuan nëpërmjet djegies.
Read more:Mbytet një 62-vjeçar në liqenin e Viroit në Gjirokastër
Shërbimet e Policisë kapën në flagrancë në vendin ku ishin kultivuar bimët narkotike dhe arrestuan shtetasit N. Z., 40 vjeç, banues në fshatin Guci e Re, dhe K. P., 43 vjeç, banues në fshatin Grudë e Re, të dyshuar si autorë të kultivimit të këtyre bimëve.
Kontrollet vijojnë në të gjithë territorin e qarkut Shkodër, me qëllim parandalimin dhe goditjen e kësaj veprimtarie kriminale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
