Deputetja e Partisë Demokratike, Jorida Tabaku, ka reaguar ndaj deklaratave të kryeministrit Edi Rama, duke e akuzuar se po përpiqet të shmangë përgjegjësinë për problemet ekonomike përmes “vetëviktimizimit” dhe krijimit të armiqve të brendshëm e të jashtëm.
Tabaku deklaron se nuk ka një “agresion të organizuar politik apo ekonomik” ndaj Shqipërisë, por sipas saj, qytetarët janë ngritur kundër një qeverie dhe një sistemi që favorizon pakicën dhe rëndon shumicën. Ajo solli në vëmendje edhe situatën e pensionistëve, duke deklaruar se 27% e tyre konsiderohen të varfër sipas standardeve kombëtare dhe ndërkombëtare. Sipas deputetes demokrate, edhe sektori i turizmit, i konsideruar si një nga shtyllat kryesore të ekonomisë, rrezikohet nga korrupsioni, informaliteti dhe mungesa e një vizioni afatgjatë.
REAGIMI
Kryeministrit i ka mbetur vetëm vetëviktimizimi dhe sajimi i armiqve të brendshëm e të jashtëm, për të ndërtuar alibinë e dështimit të tij.
Nuk ka asnjë agresion të organizuar politik apo ekonomik kundër Shqipërisë. Ka qytetarë që janë ngritur kundër një qeverie dhe një sistemi që punon për pakicën dhe varfëron shumicën.
Dështimi ekonomik nuk fshihet dot pas propagandës. Ai është në tryezën gjithnjë e më të varfër të familjeve shqiptare. Është te pensionistët që jetojnë në kufijtë e varfërisë, ku 27% e tyre konsiderohen të varfër sipas çdo standardi kombëtar dhe ndërkombëtar.
Edhe turizmi, një nga shtyllat kryesore të ekonomisë, rrezikohet nga ky sistem i padrejtë, nga korrupsioni, informaliteti dhe mungesa e vizionit.
Ky sistem i pakicës ka krijuar moçalin që po fundos ekonominë dhe po largon shqiptarët nga vendi i tyre.
Gjithçka tjetër është propagandë e vjetër dhe një përpjekje e dëshpëruar për të mbajtur në këmbë karakatinën e pushtetit. Koha është për ndryshim. Koha është të hapim një faqe të re për Shqipërinë.
Kryeministrit i ka mbetur vetëm vetëviktimizimi dhe sajimi i armiqve të brendshëm e të jashtëm, për të ndërtuar alibinë e dështimit të tij.
Nuk ka asnjë agresion të organizuar politik apo ekonomik kundër Shqipërisë. Ka qytetarë që janë ngritur kundër një qeverie dhe një sistemi… pic.twitter.com/zXwrqH9IlF
— Jorida Tabaku (@jorida_tabaku) July 11, 2026
