Një i moshuar, pjesëmarrës në protestën e 47, ironizoi qeverinë dhe situatën në vend, duke deklaruar se kërkon zbatimin e pesë kërkesave të paraqitura nga organizatorët e protestës.
Ai përdori ironi për të kritikuar nivelin e korrupsionit në vend, ndërsa shtoi se Rama duhet të shpallet non-grata. Pensionisti ngriti një sërë pyetjesh lidhur me shërbimet publike, duke vënë në dyshim premtimet e qeverisë. Në fund të fjalës së tij, i moshuari lëshoi akuza të forta ndaj kryeministrit dhe Kuvendit.
“Kërkoj që të zbatohen 5 kërkesat që thuhen në protestë. Janë të panegocuara. Në mënyrë të përkthyer në Shqipëri funksionin vetëm korrupsioni. Na ka zili e gjithë bota. Doni më për Belulin? Ku e ka ujin 24 orë? Ku është shëndetësia flas? Dritat 24 orë ku janë? Kopshtet, çerdhet, mirëqenia e popullit? Ku i ka? Janë kaq shumë rrena sa, nuk beson më populli. Ai është nëna e korrupsionit. Parlamenti, memec, injorant dhe frikacakësh, që nuk guxon kush që të thotë gjysmë fjale para të madhit.”, tha i moshuari.
