Një i ri që mori fjalën në protestën para Kryeministrisë u ndal te largimi i shqiptarëve nga vendi gjatë 35 viteve të fundit, duke akuzuar politikën se nuk ka dhënë përgjigje për arsyet që i kanë shtyrë të rinjtë të emigrojnë.
Ai kërkoi një ndryshim të thellë politik dhe institucional, duke e cilësuar protestën si zërin e qytetarëve që kërkojnë një tjetër mënyrë qeverisjeje.
“Shumë shqiptarë janë larguar në këto 35 vite. Një pyetje që s’u kanë dhënë përgjigje politikanët tanë: pse janë larguar këta shqiptarë? Kjo është forcë e madhe e një populli që është bashkuar çdo ditë në këtë shekull, që duhet të ishte shekulli i bashkimit të shqiptarëve. Këtyre u ka ardhur fundi. Ju erdhi fundi! Ka shumë pyetje: pse ikin shqiptarët, të rinjtë? Këtë pyetje s’e japin dot këta përgjigje. Këtë pyetje po e jep kjo protestë. Kjo tokë do të qeveriset nga ne. Kjo protestë është sulmuar shumë nga ata që çojnë ujë te pushteti. Dorëheqje! Duam një Kushtetutë të re, një qeveri të re teknike.”, pohoi ai.
