Shumë fshatra në veri të Shqipërisë kanë nisur organizimin e festave që synojnë rikthimin në vendlindje të të larguarve dhe ribashkimin mes brezave si dikur.
Një festë të tillë e ka kthyer në traditë prej disa vitesh edhe Kryeziu në Fushë-Arrëz, fshati i origjinës së At Shtjefën Gjeçovit.
Emigrantë, por edhe banorë të larguar si çdo mes-gushti, edhe këtë vit rikthyen në fshat gjallërinë e dikurshme.
Kryebashkiaku i Fushë-Arrëzit, Hilë Curri, shfrytëzoi dhe një herë rastin për t’u bërë thirrje banorëve që të mbrojnë kauzën që bashkia e Fushë-Arrëzit të mos shkrihet, siç është parashikuar në draftin socialist të Teformës Territoriale.
Fshati Kryezi i njohur për resurset që natyra i ka dhuruar, është ndër zonat që po i shtohet dita ditës ofertës turistike të Shqipërisë, falë dhe investimeve që kanë nisur të bëjnë emigrantët.
