Një person është raportuar në gjendje të rëndë shëndetësore në Vlorë, pasi dyshohet se është sulmuar me sende të forta.
Burime për Report Tv bëjnë të ditur se ngjarja është raportuar në qendrën e emergjencës, ku është përcaktuar si ‘kod i kuq’.
Menjëherë pas marrjes së njoftimit, është nisur drejt vendngjarjes ekipi mjekësor për t’i dhënë ndihmën e parë dhe për të transportuar të dëmtuarin drejt spitalit.
Rrethanat dhe shkaqet e sulmit mbeten ende të paqarta. Pritet informacion i mëtejshëm për gjendjen e personit dhe dinamikën e ngjarjes.
