Tensionet janë rikthyer me intensitet përpara Kryeministrisë, ku protestuesit janë përplasur sërish me efektivët e Policisë së Shtetit.
Forcat e policisë kanë tentuar të largojnë qytetarët nga zona pranë godinës, ndërsa protestuesit kanë kundërshtuar urdhrat e efektivëve dhe kanë vijuar të qëndrojnë në zonën përpara Kryeministrisë.
Situata është shoqëruar me përplasje të forta mes palëve, ndërsa nga radhët e protestuesve vijojnë thirrjet kundër qeverisë dhe kryeministrit Edi Rama.
“Rama jep dorëheqjen!” është një nga thirrjet që dëgjohet gjatë protestës, ndërsa qytetarët shprehen të vendosur për të mos u tërhequr.
