Presidenti Bajram Begaj ka dekretuar shkarkimin e Vlora Hysenit si drejtoreshë e SHISH-it.
Lajmi konfirmohet nga gazetarja Klodiana Lala.
“Presidenti i Republikës, Bajram Begaj, në mbështetje të nenit 93 të Kushtetutës, si dhe të nenit 5, paragrafi 2 të ligjit nr. 8391, datë 28.10.1998, “Për Shërbimin Informativ të Shtetit”, i ndryshuar””, me propozim të Kryeministrit, dekretoi sot shkarkimin e zonjës Vlora Hyseni nga detyra e Drejtorit të Shërbimit Informativ të Shtetit”, thuhet në njoftimin e Presidencës.
Read more:Presidenti dekreton shkarkimin e ish-ministrit Lamallari, emërohet Ervin Demo ministër i Brendshëm
Kujtojmë se gjatë ditës së sotme, ndaj Vlora Hysenit pati dy akuza të rënda nga ana e SPAK, teksa akuzohej për përkrahje të autorit të krimit dhe publikim të sekretit hetimor. Hetimet ndaj saj kanë lidhje me skandalin e AKSHI-t.
Pas njoftimit të akuzave, kryeministri Rama shkarkoi Hysenin.
