Zjarri masiv në Gjirin e Lalëzit që nisi gjatë mbrëmjes të së martës është mundur të shuhet pak pas mesnate, rreth orës 02:00 të mëngjesit.
Zjarrfikësit, të cilët kanë qëndruar në terren, luftuan me flakët që ndodheshin pranë një kompleksi turistik duke evakuuar pushuesit, si dhe pranë një banese. Zjarri nuk ka prekur asnjë banesë. Kryebashkiakja e Durrësit, Emirjana Sako, bën me dije përmes një postimi se “95 forca të armatosura, dhjetëra zjarrfikës dhe 11 mjete, kanë punuar gjatë gjithë natës për izolimin e vatrave të zjarrit dhe parandalimin e përhapjes së tij në zonën e Shën Pjetrit, në Gjirin e Lalzit.”
Read more:Shpërthim me lëndë plasëse në portën e një banese në Ishull-Lezhë, vetëm dëme materiale
Aktive mbetet vatra në pyllin e Bizës që për shkak të terrenit dhe dendësisë, ndërhyrja me forca tokësore është e vështirë dhe është angazhuar një helikopter.
Lajm në përditësim…
Dy vatra zjarri në Durrës dhe Fier, Nufi: Ndërhyrja vijon në Gjirin e Lalëzit, Apolonia nën kontroll (VIDEO)
Rreth 100 efektivë të Forcave të Armatosura janë angazhuar në operacionet për shuarjen e dy vatrave të zjarrit në Gjirin e Lalëzit dhe në Pojan, pranë Parkut Arkeologjik të Apolonisë. Në përditësimin e sotëm të situatës, Ministri Nufi njofton se ndërhyrja vijon në Gjirin e Lalëzit, ndërsa situata në Apoloni është nën kontroll.
Pranë zonës së Shën Pjetrit janë angazhuar 68 efektivë të Forcave të Armatosura dhe 15 automjete zjarrfikëse nga bashkitë Durrës, Shijak, Tiranë, Kamëz, Vorë, Kavajë dhe Elbasan. Pas punës gjatë gjithë natës, në operacion është përfshirë edhe një helikopter, i cili po ndërhyn nga ajri në terrenin e vështirë kodrinor. Ekipet po punojnë për izolimin e vatrave dhe mbrojtjen e banorëve, banesave dhe pronave.
Read more:Zjarr në Shushicë të Vlorës, flakët rrezikojnë tre banesa (VIDEO)
Në Pojan, efektivët e Forcave të Armatosura vijojnë monitorimin në terren. Sipas ministrit, situata pranë Parkut Arkeologjik të Apolonisë është nën kontroll dhe asnjë monument nuk është dëmtuar nga flakët. Për shuarjen e zjarrit u angazhua edhe një helikopter i Forcës Ajrore.
P.J/U.D/Shqiptarja.com
LAJMET MË TË VLERËSUARA